Хуульзүйн байнгын хорооны өнөөдрийн хуралдаанаар Эрүүгийн хэрэгт эрх зүйн туслалцаа үзүүлэх тухай Европын конвенцыг соёрхон батлах тухай хуулийн төслийг хэлэлцлээ.
Энэ үеэр УИХ-ын гишүүн Ц.Мөнхцэцэг ХЗДХ-ийн сайд Б.Энхбаяраас "Засгийн газрын Шувуу ажиллагааны явц, үр дүн, Ерөнхий сайд асан Ч.Сайханбилэгийг авчрах талаар тодрууллаа.
ХЗДХ-ийн сайд Б.Энхбаяр “Шувуу ажиллагааны хүрээнд гадаад руу оргон зайлж, эрэн сурвалжлагдаж байсан этгээдүүдийн 70-75 хувьтай авчраад байна. Манай улс АНУ-тай эрүүгийн эрхзүйн талаар хамтран ажиллах гэрээ, хэлэлцээр байхгүй. Дипломат шугамаар хууль хяналтын байгууллагын түвшинд харилцаа явагдаж байгаа. Бид Ч.Сайханбилэгийн хаана байгааг мэдэж байгаа. Ч.Сайханбилэгт Монголоос мөнгө явуулдаг холбоо, сүлбээтнүүд нь хэвээр байгаа. Энэ асуудлыг хууль хяналтын байгууллага шалгаж байна" гэж хариулав.
