Авлигатай тэмцэх газрын Урьдчилан сэргийлэх, соён гэгээрүүлэх хэлтсээс хэмжил зүй, стандартчиллын чиглэлээр үйл ажиллагаа явуулдаг төрийн бус байгууллага, мэргэжлийн холбоодын төлөөллийг оролцуулсан уулзалт, хэлэлцүүлгийг зохион байгуулав.
Уулзалтаар Авлигатай тэмцэх газрын Урьдчилан сэргийлэх хэлтсийн ахлах ажилтан, ахлах комиссар Д.Цэнд-Аюуш “Авлигаас урьдчилан сэргийлэх нь” сэдвээр мэдээлэл өгч, стандартчиллын салбарын ил тод байдал, шударга байдлын үнэлгээ, өргөдөл гомдлын шийдвэрлэлт, мөрдөгчийн мэдэгдэл, хүргүүлсэн зөвлөмж, иргэд, олон нийтийн хяналтыг сайжруулахад мэргэжлийн холбоод, иргэний нийгмийн байгууллагуудын үүрэг оролцооны чухлыг онцлов. Стандарт, хэмжил зүйн газрын Стандартчилал, тохирлын үнэлгээний бодлогын газрын дарга Г.Тулгаа, Хэмжил зүйн бодлогын газрын дарга Д.Бэхбат нар стандартчиллын болон хэмжил зүйн чиглэлээр авч хэрэгжүүлж буй арга хэмжээ, тулгамдаж буй асуудлын талаар мэдээлж танилцууллаа.
Уулзалт, хэлэлцүүлэгт оролцогчид стандартын чиглэлээр авлигаас урьдчилан сэргийлэх ажлын төлөвлөгөөг хамтран хэрэгжүүлж, төрийн зарим чиг үүргийг хувийн хэвшилд шилжүүлэх, хөндлөнгийн хяналт тавих, авлигыг үл тэвчих үзэл, ёс зүйг төлөвшүүлэхэд идэвхтэй ажиллахаа илэрхийлэв.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!