Үндсэн хуулийн нэмэлт, өөрчлөлтийн талаар ЗГХЭГ-ын дарга Д.Амарбаясгалан мэдээлэл өгчээ.
Тэрбээр "Шинээр Үндсэн хууль батлагдах гэж байгаа мэт ойлгох нь өрөөсгөл. Үндсэн хууль бичих захиалгыг ЗГ, эрх баригчдаас өгөөгүй. Үндсэн хууль судлаачдыг оролцуулсан ажлын хэсгийг байгуулж өгөөч. Ингээд Үндсэн хуульд юу болохгүй байна вэ гэдгийг судлаад танилцуулахыг хүссэн.
Шинэ Үндсэн хууль батлахаар болбол ард нийтийн санал асуулга явуулах зарчим нь байгаа. Хэрэв ард иргэд дэмжвэл, санал нэгдвэл эрх баригчид татгалзаад суугаад байх боломжгүй шүү дээ.
Засгийн газраас хүссэн, зөвшөөрсөн зүйл огт байхгүй. Бид өөрсдийн бодлого, хүслийн үүднээс аливаа асуудалд хандахгүй. Олон нийтийн үзэл санаа ямар түвшинд байгааг харгалзан үзнэ. Бусад улстөрийн намд ч боломж олгоно.
Монгол Улс 36 улстөрийн намтай. Нам болгон Үндсэн хуулийн нөхцөл байдал, сонгуулийн тогтолцоо зэрэг асуудал дээр өөр өөрийн байр суурийг илэрхийлсээр ирсэн. Цаашид ч илэрхийлэх байх. Энэ бүх санал, санаачилгыг хүлээн аваад, тусгаад, шийдвэрлээд явах үүрэг эрх баригчдад бий гэж боддог.
МАН 300 орчим мянган гишүүнтэй. Үзэл бодлоо чөлөөтэй илэрхийлэх бүрэн боломжтой. Өөрсдийн харсан, судалсан ажлын хүрээнд хүн бүр үзэл бодлоо илэрхийлэх бүрэн боломжтой. Бусдыгаа сонсох ёстой шүү дээ" гэв.
