Саяхан МАН-ын эмэгтэйчүүд байгууллага болох НАМЭХ хуралдаж, дарга болон нэрээ шинэчилсэн байдаг. Тэгвэл үүний дараа НАМЗХ-ны Удирдах зөвлөл чимээгүйхэн хуралдаж генсекээ сольж амжжээ.
Тодруулбал, НАМЗХ-ны генсек Б.Оргилыг Б.Галсангаар сольж Ерөнхий нарийн бичгийн даргын үүрэг гүйцэтгэгчээр томилсон байна. Түүнийг МАН-ын Бага хурлаар батламжлан жинхлэх учиртай юм.
Б.Галсангийн хувьд: ЦХХХ-ны сайд Н.Учралын зөвлөх, туслахын статустай нэгэн юм.
2021 оны долдугаар сард генсекээр Б.Оргилыг томилох хуралд МАН-ын дарга Л.Оюун-Эрдэнэ бодлогоор Б.Золбадралыг, НАМЗХ-ны залуус дотроосоо Э.Очирбаярыг нэр дэвшүүлсэн ч, гишүүдийнхээ дэмжлэгийг авч чадахгүй зөрчилдөөн үүсч байв.
Харин Н.Учрал өөрийн туслах Б.Галсан, УЗ дээр унасан Б.Золбадрал нарыг нарийн бичгийн даргаар тус тус томилуулахаар зүтгээд дийлээгүй байдаг.
Улмаар УИХ-ын гишүүн УУХҮ-ийн сайд Ж.Ганбаатарын гарын хүн гэгддэг Б.Оргил генсек болж байв.
Энэ удаад НАМЗХ-ны дарга Н.Учрал санасандаа хүрч ийн өөрийн хүнээ томилуулжээ.
