“Зөвлөлдөж шийдье” зөвлөлдөх санал асуулгын талаар УИХ дахь МАН-ын бүлгийн дарга Д.Тогтохсүрэн тэргүүтэй Ажлын хэсгийн гишүүд мэдээлэл хийлээ. Энэ үеэр УИХ-ын гишүүн Т.Доржханд "Шинэ Үндсэн хуулийн асуудлыг бид огт гаргаж ирээгүй. Мөн Шинэ Үндсэн хууль өнөөдрийн зохицуулалтаар хийгдэх боломжгүй. Хоёр тохиолдолд энэ асуудал яригдана.
Нэгдүгээрт, хувьсгал гарсан тохиолдолд. Монгол Улсад үймээн самуун, хувьсгал гарахыг аль ч улс төрийн намууд болоод ард иргэд хүсэхгүй. Хоёрдугаарт, дэглэм солигдох үед. Засаглал солигдох үед гэсэн үг. Монгол Улс хаант аль эсвэл Ерөнхийлөгчийн засаглалтай болох энэ тохиолдолд шинэ Үндсэн хуулийн асуудал яригдана. Монгол Улс бол ардчилсан улс.
Ардчиллаа бэхжүүлье гэвэл парламентаа бэхжүүлж явахаас өөр гарц байхгүй. Нэг хүний засаглалд орохоос зайлсхийх ёстой" гэлээ.
