Өнгөрсөн хугацаанд улсын төсвийн хөрөнгө оруулалтаар Мөст сумандаа сургууль, соёлын төв, цэцэрлэг, Боорж голын гүүр, Халуун ус, Цаг уурын шинэ барилга гээд чамгүй олон ажил хийжээ.
Уулзалтын үеэр Мөст сумын малчин Цогбаатар маань малын гаралтай түүхий эд үнэгүйдэж байна, үүнийг төр, засаг анхаараач гэсэн санал хэллээ. Миний бие энэ асуудлыг анхаарч Шинэ Ховд төслийн хүрээнд малын гаралтай түүхий эд боловсруулах Үйлдвэр технологийн паркыг 2019 оноос ярьж ажил хэрэг болгож буй бөгөөд тун удахгүй малчдын маань ашиг орлого нэмэгдэж, малын ноос, ноолуур, арьс,шир, яс тос, мах махан бүтээгдэхүүнээ нэмүү өртөг шингээж өндөр үнэтэй экспортлох боломж бүрдэх юм.
Мөст сум маань миний санаачилсан Сум сумандаа тусалъя аяны хүрээнд төрийн байгууллагууд хөдөөгийн багуудтайгаа шийп тогтоож малчдадаа туслах аяныг маш үр дүнтэй өрнүүлж байна.
Түүнчлэн өвөлжилт хүндэрч буйтай холбоотойгоор МУ-ын Засгийн газраас хөнгөлөлттэй үнээр олгож буй 40 тонн тэжээл, 700ш пресс өвсийг холбогдох удирдлагуудад хүлээлгэн өглөө.
Мөн ажил үйлсээ төрдөө үнэлүүлж Алтан гадас одонгоор шагнагдсан А.Энхмэнд, А.Туяа, С.Тулгаа, Ц.Дуламсүрэн нартаа халуун баяр хүргэе.
