АН: Д.Мөнх-Эрдэнийг нэн даруй суллахыг шаардлаа
Энэ мэдээ хуучирсан буюу 2023/03/01-нд нийтлэгдсэн мэдээ болно.
Огноо
Унших
2 минут 8 секунд
АН: Д.Мөнх-Эрдэнийг нэн даруй суллахыг шаардлаа
Нийтлэсэн огноо:

АН: Д.Мөнх-Эрдэнийг нэн даруй суллахыг шаардлаа

Л.Гантөмөр даргатай АН-аас тус намын гишүүн Д.Мөнх-Эрдэнийг суллахыг шаардаж, мэдэгдэл гаргалаа. Уг мэдэгдэлдээ "Ардчилсан нам нь хүний эрх, эрх чөлөөг дээдэлсэн үзэл баримтлалыг үйл ажиллагааныхаа үндэс болгон ажилладаг улс төрийн хүчний хувьд Монгол Улсад үзэл бодлоо илэрхийлсэн аливаа дуу хоолойг үргэлж дэмжиж ажилладаг билээ.

Монгол Улсын Үндсэн хуулийн 1 дүгээр зүйлд “Эрх чөлөөг дээдлэх нь төрийн үйл ажиллагааны үндсэн зарчим мөн” гэж заасан байдаг. Гэтэл 2016 оноос хойш тасралтгүй төр барьж байгаа Монгол ардын нам, эрх баригчид үзэл бодлоо илэрхийлсэн бүх төрлийн дуу хоолойг хааж боож, иргэдийг шорон, гяндангаар айлган сүрдүүлж, хорьж цагдах замаар залхаан цээрлүүлж байгаа үйлдлүүд хэрээс хэтэрлээ.

Эрх баригчдын “буулганд” үзэл бодлоо илэрхийлсэн олон иргэд хавчигдаж байгаагийн тод төлөөлөл нь Ардчилсан намын гишүүн, иргэн Даваагийн Мөнх-Эрдэнэ юм.

Д.Мөнх-Эрдэнэ хувьд эх орныхоо төлөө санаа зовнин, нийгэмд үүсээд байгаа эрх зүйт ёсноос гажсан эрх баригчдын бусармаг үйл ажиллагааг олон нийтийн сүлжээнд илэрхийлснийхээ төлөө өнөөдөр шоронд хоригдож байна. Эрх баригчдын энэхүү үйл ажиллагаа нь ардчилсан Монгол Улсад хүлээн зөвшөөрч, хүлцэн тэвчих боломжгүй үйлдэл тул Д.Мөнх-Эрдэнийг нэн даруй суллахыг шаардаж байна.

Монгол Улс болон дэлхийн олон улс орны нэгдэн орсон Хүний эрхийн түгээмэл тунхаглалд “Хүн бүр өөрийн үзэл бодолтой байх, түүнийгээ чөлөөтэй илэрхийлэх эрхтэй” гэж заасан. Манай улсын хувьд Олон улсын конвенцоор заасан үүргээ биелүүлж чадахгүй бол дэлхийд нэр хүндээ алдах өндөр эрсдэлтэй байгааг эрх баригчдад сануулж байна" гэжээ.

No description available.

Үлдээх, үйлдэж буй жишиг нь том болохоор аргагүй юм
Үлдээх, үйлдэж буй жишиг нь том болохоор аргагүй юм
 
2024 оны 01 сарын 01-ний өдрөөс Улаанбаатар хотод бүртгэлтэй автомашины татвар хоёр дахин нэмэгдэх үү?
2024 оны 01 сарын 01-ний өдрөөс Улаанбаатар хотод бүртгэлтэй автомашины татвар хоёр дахин нэмэгдэх үү?
Энэ мэдээ хуучирсан буюу 2023/03/01-нд нийтлэгдсэн мэдээ болно.