Хуулиараа намуудын мөрийн хөтөлбөрийг энэ сарын 25 гэхэд аудитын дээд байгууллагад хүргүүлэх учиртай.

Хүргүүлдгийн учир нь дүгнэлт гаргуулахад юм. Нэг үгээр хэлбэл ямар үндэслэлтэй, хэрхэн биелэх нигууртайгаа дэнслүүлж байгаа л явдал.

Үнэндээ гэтэл Монголын улс төрийн намуудын мөрийн хөтөлбөр ер биелэхгүй л байгаа шүү дээ. За, ганцхан жишээ авъя.

Сонгуулиас сонгуулийн намуудын мөрийн хөтөлбөрт эрчим хүчний эх үүсвэрийг нэмэгдүүлнэ гээд тов тодорхой, цагаан дээр хараар бичээстэй байгаа. Бид эрчим хүчний эх үүсвэрийг шинээр бүтээнэ ээ, байгуулна аа гээд бичсэн байгаа.

Мөн малын гаралтай түүхий эдийг эцсийн бүтээгдэхүүн болгоно гээд бичсэн байгаа. Арван зургаа, хорин оны сонгуулиудад оролцсон намууд оролцсон мөрийн хөтөлбөрт байж байгаа.

Тэгвэл яагаад Монголчууд энэ өвөл цахилгаан хязгаарлалттай даарч өвөлжив.

Монгол малын түүхий эд, арьс шир ширхэг 00 цаасны үнэ хүрэхгүй, жалга судгаар л нэг залаастай байгаа. Хаягдсан байгаа.

Хэн гэдэг удирдагч, ямар нам малын гаралтай түүхий эд боловсруулах үндэсний хэмжээний ямар үйлдвэр завод барив гэхээр хариулт байхгүй л байгаа шүү дээ.

Намууд сонгуульд орохдоо ингэж хулхи мөрийн хөтөлбөр гаргаад, нөгөөхийг нь ард түмэн дэмжиж сонгоод, ингээд бахь байдгаараа байгаад байвал мөрийн хөтөлбөрийн хэрэг байна уу.

Сонгуулийн ерөнхий хороо, Үндэсний аудитын байгууллага өдгөө намуудын мөрийн хөтөлбөр, тэр тусмаа сүүлийн найман жил засагласан МАН-ын мөрийн хөтөлбөрийн хэдэн хувь биелэв гэдгийг эхлээд ард түмэнд тайлагначхаад, дараагийн хөтөлбөрийг авах нь үндэсний эрх ашиг.

Амлалт биелдэггүй учраас улс хөгжихгүй байгаа. Улс хөгжихгүй байгаа учраас сонгууль хуудуутай болсоор байна гэсэн үг.

Тиймээс л бид Аудитын байгууллага аа, эхлээд МАН-ын мөрийн хөтөлбөрийн биелэлтийг дүгнээрэй гэж хэлээд байгаа юм.
Тэгээд дараа нь шинэ мөрийн хөтөлбөрийг нь хүлээн авна уу.

Б.ДОРНО

Amlalt.mn