“И-Монгол академи” УТҮГ нь алба хаагчдынхаа мэдлэг ур чадварыг нэмэгдүүлэх, сургалт соён гэгээрүүлэх ажлыг шат дараатай зохион байгуулдаг билээ. Тус ажлын хүрээнд өнөөдөр /2025.01.29/ академийн алба хаагчидтай Монгол Улсын төрийн шагналт, XX зууны манлай нийтлэлч, улс төрч Б.Баабар чөлөөт уулзалтыг хийлээ.
Б.Баабар нь 1990-ээд оноос эхлэн нийтлэл бичиж байгаа бөгөөд хэд хэдэн ном орчуулсны хамгийн алдартай нь 1996-2004 “XX зууны Монгол: Нүүдэл Суудал” нэрт бүтээл юм.
Өнөөдрийн уулзалтаар “Монгол Улсын хөгжил дэвшил” сэдвээр яриа өрнүүлэн, өөрийн амьдралын туршлагыг хуваалцахын сацуу ирээдүй хойч үеийнхэн, залуучуудын үзэл бодлыг чөлөөтэй сонсож тулгамдаж байгаа асуудал, гарц шийдлийн талаар санал бодлоо солилцлоо.
Нийтлэлч Б.Баабар тус академийн алба хаагчдад ажлын өндөр амжилт хүсэж, Монгол Улсынхаа хөгжил дэвшил болж цахим хөгжлийн түүчээ, гол түлхүүр нь болж буй бүх алба хаагчдадаа талархаж байгаагаа илэрхийллээ.
