Малайз улсын бага, дунд сургуулийн сурагчдын харилцааны ур чадварыг хөгжүүлэх, англи хэлийг чөлөөтэй, үр дүнтэйгээр суралцуулах чиглэлээр шинэлэг хөтөлбөрүүдийг хэрэгжүүлсээр ирсэн “Хиппо – хил хязгааргүй англи хэл” хөтөлбөр хэрэгжүүлэгч байгууллага 2012 оноос Англи хэлний Олон улсын олимпиадыг улс, тив, дэлхийн гэх шатлалаар зохион байгуулдаг. Өдгөө 13 дахь удаагаа болсон уг нэр хүндтэй олимпиадын 2025 оны аваргууд 9 дүгээр сарын 29-нд Итали улсад тодорсон байна.

Нийт 73 орны 6-12 насны 93,224 сурагч 12 насны ангиллаар оролцсон уг олимпиадын WORLD FINAL шатанд 317 оролцогчоос Монголын 19 сурагч багтсан байна.

Олон орны, олон сурагч өрсөлдсөн Hippo 4 буюу ахлах ангийн ангилалд Сант сургуулийн 12 дугаар ангийн сурагч 17 настай Бямбадоржийн Дөлгөөнхэрлэн 93,75 оноогоор тэргүүлж, дэлхийн аваргын алтан медалийн эзэн болж, Монголынхоо нэрийг дэлхийн тавцанд дуудуулсан бахдам амжилтыг үзүүллээ. Уг ангилалд Эрдэнэбадрахын Оюу 5-д, Гантөгсийн Индра 13-т, Жамъянсүрэнгийн Солонго 17-д эрэмбэлэгдсэн байна

Түүнчлэн, Монголын баг тамирчдаас Ваву Hippo ангилалд Энхсайханы Эгшиглэн 8-д, Ган-Эрдэнийн Түшиг 17-д, Little Hippo ангилалд Гарьдын Сэцүлэн 10-т, Hippo 1 ангилалд Амарбаясгалангийн Эгшиглэн, Ганболдын Энэрэл, Биег-Алийн Аз-Ерөөе нар амжилттай финалдсан бол Hippo 2 ангилалд Тэмүүжингийн Ундаръяа, Ганбатын Мишээл нар 10-т багтаж, Hippo 3 төрөлд Оргил сургуулийн сурагч Мөнхбаатарын Номиулин мөнгөн медаль хүртэж, Түвшинтулгын Есүгэн 14-т эрэмбэлэгдсэн байна.

Харин Hippo special 1 ангилалд Хобби сургуулийн сурагч Галтын Нандин хүрэл медалийн эзэн болж, Эрдэнэзааны Номуулин 4-т, тус тус шалгарчээ.

Hippo special 2 ангилалд Болдын Билгүүн 4-т, Hippo special 3 ангилалд Сергейн Дарьяа 6-д, Hippo special 4 ангилалд Гурван тамир сургуулийн сурагч Зоригтын Мишээл дэд байранд шалгарсан байна.

Мөн энэ жил анхлан зохион байгуулсан “HIPPO PIONEER” шалгаруулалтад Эрдмийн сан сургуулийн сурагч Гандолгорын Хангай ялагч болж шилдэг оролцогчоор тодорлоо. Ийнхүү Монголын оролцогчид багаараа амжилт дүүрэн, улсынхаа нэрийг өндөрт өргөн оролцоод энэ Баасан гараг буюу 10 дугаар сарын 9 -нд эх орондоо ирэх гэж байна.