Залуусын хөгжих, чөлөөт цагаа үр бүтээлтэй өнгөрүүлэх орчин нөхцөлийг бүрдүүлэх зорилготой “Залуучуудын хөгжлийн төв”-ийн 3 давхар цогц төвийг Өмнөговь аймгийн Гурвантэс суманд орон нутгийн төсвийн хөрөнгөөр бүтээн байгуулж барилгыг улсын комисс хүлээн авч ашиглалтад ороход бэлэн боллоо.
Өмнөговь аймгийн Засаг даргын үйл ажиллагааны “Өсөлттэй Өмнөговь” хөтөлбөрийн хүрээнд залуус, ирээдүй хойчруу чиглэсэн олон ажлууд сумдад төлөвлөгдсөний нэг нь энэхүү хөгжлийн төв юм. Төвийн тохижилтын ажлыг хийж 11-р сарын 1- нд нээлтээ хийхээр төлөвлөөд байна.
Өмнөговь аймгийн ИТХ-ын дарга О.Эрдэнэ-Өрнөх “Залуучуудын хөгжлийн төв”-ийнажлын явцтай танилцан барилгыг үр ашигтай, зөв менежменттэй үйл ажиллагаа хэрэгжүүлж иргэдэд нэн хэрэгцээтэй сургалт хөтөлбөрийг нээж ажиллуулах талаар үүрэг чиглэл өглөө.
Гурвантэс сумын удирдлагууд хөгжлийн төвд төрөл бүрийн спортын дугуйлан, хүний хөгжлийн сургалтууд, бүжгийн дугуйлан, филиппин багштай англи хэлний сургалтыг нээхээр төлөвлөн бэлтгэл ажлыг хангаж байгаагаа хэллээ.
