Үндсэн хуулийн цэцийн дарга асан Дорнодын Д.Одбаяр төрийн томчуудыг хормойдсоор байгаад Хонконгийн консулаар нэгэнтээ явчихсан. Ёс зүйг эрхэмлэдэг оронд бол улсаа дэлхийд шившиглэж байсан хүнийг хилийн дээс алхуулж, алба хашуулахгүй нь мэдээж. Ер нь төрийн алба ой санамжтай байх ёстой.

Харамсалтай нь Монголд энэ бол зүгээр л тунхаглал төдий. Тухайн үед эрх баригч намын дарга нартай хэн ойр байна тэр нь ямар ч асуудалд нэр холбогдсон байсан хамаагүй хариуцлагатай алба хашдаг болсон.

Гэвч ёс зүйгүй хүнд “ёс зүйгүй” хүн л үйлчилж, дараа дараагийн “тавиул”-ууд нь ч дугуй дугуйгаа олно гэдэг шиг нэг еэвэнгийн хоёр тал болж харагдах нь цөөнгүй. Үүний нэг тод жишээ нь Үндсэн хуулийн цэцийн дарга асан Д.Одбаярын түүний тавиул ДЦС-4-ийн захирал Ү.Төмөрхуяг гэгч Дорнодод будлиан тарьж, бусдыг хохироосон нөхөр.

Ү.Төмөрхуяг нэг хэсэг 2024 оны сонгуулийн дараа өөрийгөө Эрчим хүчний сайд болно гэж Монгол Улсын Ерөнхийлөгч, Ерөнхий сайд болон сайд дарга нарын үүдийг сахиж суусан гэдэг.

Дорнодын Д.Одбаярын дотно хүн, түүний шууд дэмжлэгээр Монгол тулганы гал голомт болох ДЦС-4-ийн захирал хийж байгаа Ү.Төмөрхуяг, Д.Одбаярын нутаг болох Дорнодын 300 гаруй иргэнийг хөхүүрийн ам цаашлаж, хүйтний ам наашлах үеэр орон байргүй гудамжинд ч гаргачихаж магадгүй дүр зураг харагдуулаад эхэллээ.

Ү.Төмөрхуяг нь хөрөнгө орлогын мэдүүлэгтэй тусгаагүй, татвараас ч зайлхийсэн байж болох мөргүй мэт болгосон 1 тэрбум гаруй төгрөгөө “том ах” Д.Одбаярын алтан нутаг Дорнодруу хөрөнгө оруулах нэрийдлээр хийж царцааж 11 жил болжээ.

Тэрээр энэхүү бүртгэлгүй мөнгөө Тажү гэгчид 2012 онд зээлүүлээд 10 гаруй жил болсоноос үзэхэд гэр бүлийн хүний хамт татвараас зайлсхийж мөнгө хүүлдэг байсан нь тодорхой байгаа юм.

Тажү гэгчтэй нь“Бүрэнсүх Констракшн” ХХК гэрээ хийж тухайн газар дээр орон сууц барихаар болоход үсэрч гарч ирээд үхмэл хөрөнгөө мөнгөөр нь гаргаж авах гурвалсан гэрээнд ороод амжсан нь аз ч гэмээр, эз ч гэмээр.

Гэвч Дорнодынхоны нүд хужирлах аятайхан шинэ орон сууц сүндэрлэн босож ирэх үед гэрээний хугацаанаас өмнө, гэрээгээ зөрчин байж 500 м2 орон сууц авна гэж олон харьяаллын, олон шатны шүүхээр явж байгаагаас үзэхэд овжин зальтай, ахидаг нэмдэг, шуналтай олиггүй эр бололтой.

Түүний энэ эрээ цээргүй үйлдлүүдээс болоод Дорнодын 300 гаруй иргэдийн төлөөлөл орон сууцны ордероо авч чадаагүйн улмаас Улаанбаатарт ирчихээд, сонгогдсон УИХ-ын гишүүдээ хайж, хэлмэгдэгсэдийн хөшөөн дээр хэвлэлийнхэнд хандсан шиг зутруухан гундуухан л явна.

Хэргийн эзэн хэнгэрэгийн дохиур ДЦС-4-ийн захирал Ү.Төмөрхуягийг огцруулах гэхээр, АТГ болон хууль хяаналтын байгууллагад өгч шалгуулах гэхээр Дорнодын Д.Одбаяр түүнийг улаан цээжээрээ хамгаалдаг тухай улс төрийн хүрээнийхэн ч ярьж байна.

Арга барагдаж орон сууцны ордерт ээрэгдсэн “Бүрэнсүх Констракшн” ХХК-ийн захирлаас ДЦС-4-ийн захирал Ү.Төмөрхуягийг АТГ өгсөн боловч 4 сар болж байхад хариу ч ирүүлээгүйгээр барахгүй, өргөдлийг нь АТГ-ын Соён гэгээрүүлэх тасаг руу шилжүүлчихсэн байсан ч гэх шиг.

АТГ жирийн иргэний өргөдлийг ингэж үл тоосон атлаа хэний өргөдлийг хянаж, хэнийг нь шалгаж, хэнийг нь ялладаг юм бол. Хэрэв АТГ зөвхөн эрх мэдэлтэй, баян чинээлэг хүний талд үйлчилдэг, жирийн иргэний гомдол саналыг шалгаж тогтоодоггүй юм бол татвар төлөгчийн мөнгөөр цалинжуулж буй энэ байгууллагыг татан буулгах нь зүйтэй.

Хохирсон иргэд тэгэхээр ойроос нэмэргүй бол холоос Хонконгийн консулаар суугаа нутгийн хүү Д.Одбаяраасаа орон сууцны ордероо асууж, нэхэж таарах тийм хоржоонтой ч гэмээр харамсмаар, халагламаар хувь заяаны шоглоомонд иргэдээ оруулчихжээ.

Эх орондоо үлдсэн цөөхөн Монголчуудаа ингэж хил давж хэрүүл хийтэл нь зовоолсон, ТЭЦ 4-ийн ажилтан албан хаагчидад удаа дараа дарамталж, тэвчээр тасарлаа гэж бичиж шаардлага хүргүүлтэл нь зовоож буй ТЭЦ IV захирал Ү.Төмөрхуягтаа хариуцлага тооцож өгөхийг түүний удирдлага дор ажилладаг албан хаагчид хүсдэг аж.

Тэтгэвэрт гарах насаа хэдийнэ давсан ч эрхэлсэн ажилдаа шигдсээр байгаа, шинэ санал санаачлага гаргахаас илүү “идэж уухаа” урдаа барьдаг, Монгол Улсын Ерөнхийлөгч У.Хүрэлсүхийн найз, түүний сонгуульд дэмжиж, ялуулахад нь оролцсон гэж төрийн өндөр албан тушаалтны нэрийг барьж өөрийгөө “дөвийлгөдөг”, ҮХЦ-ийн дарга асан Д.Одбаярын “хамгаалалт” дор явдаг, “тэлээ хуц” шиг 2-3 “эхнэртэй” Ү.Төмөрхуяг мэтийг яаралтай үүрэгт ажлаас нь чөлөөлж илүү чадварлаг шинэ залуу боловсон хүчнээр ТЭЦ цахилгаан станцийг удирдуулаасай гэж ЭХ-ний сайд Б.Чойжилсүрэн танд хандан хэлэх байна.

Ц.Мөнх

amlalt.mn