“Эрдэнэс Тавантолгой” ХК 2025 оноос эхлэн ISO 30400 – Хүний нөөцийн менежментийн багц стандартыг үе шаттайгаар хэрэгжүүлэн, хүний нөөцийн бодлого, үйл ажиллагааг олон улсын түвшинд хүргэх зорилт тавин ажиллаж байна.
Франц Улсын Афнор группийн албан ёсны эрхтэй “Монсертф” ХХК-иас анхдагч баталгаажуулалтын I шатны аудитын нээлтийн хурал зохион байгууллаа. Хуралд “Эрдэнэс Тавантолгой” ХК-ийн удирдлагууд болон холбогдох нэгжийн ажилтнууд оролцож, стандартын хэрэгжилтийн хүрээнд хийж буй ажлуудаа танилцууллаа.
Стандарт нэвтрүүлэлтийн хүрээнд:
• Дотоод журам, баримт бичгийг олон улсын шаардлагад нийцүүлэн шинэчлэх
• Ажилтнуудын нийгмийн баталгааны хөтөлбөрүүдийг сайжруулах
• Хүний нөөцийн дата судалгааг оновчтой болгох
• Сонгон шалгаруулалтыг ил тод, шударга явуулах
• Цалин хөлс, урамшууллын менежментийг сайжруулах
• Сургалт, хөгжлийн хөтөлбөрүүдийг шинэ шатанд гаргах зэрэг олон ажлыг хэрэгжүүлж байна.
Мөн энэ үеэр хүний нөөцийн дотоод аудитор бэлтгэх хөтөлбөрийг амжилттай дүүргэсэн Т.Ням-Осор, С.Гантулга, А.Амарбуян нарт гэрчилгээг гардууллаа.
