АНУ-ын Агаарын нислэг, сансрын уудмыг шинжлэн судлах төв /NASA/ болон Эрчим хүчний яам ойрын дөрвөн жилийн хугацаанд Сарны гадаргуу дээр цөмийн реактор барих, суурилуулах төслийг хамтран хэрэгжүүлнэ. Албаны хүмүүсийн хэлснээр, энэхүү төсөл нь Ерөнхийлөгч Трампын сансар огторгуйг эзэмших, судлах талаарх ирээдүйн төлөвлөгөөний нэг хэсэг юм.
АНУ-ын Эрчим хүчний яам (DOE) болон NASA харилцан ойлголцлын санамж бичигт гарын үсэг зурсан байна. New York Post сонинд бичсэнээр, хоёр байгууллага Сарны гадаргуу дээр төдийгүй тойрог замд цөмийн реактор байрлуулах томоохон төслийг 2030 он гэхэд хэрэгжүүлэхээр төлөвлөж байна.
Эдгээр реакторт Сарны гадаргуу дээр явагддаг задралын энергийг ашиглах ажээ. Ингэснээр ирээдүйд Саран дээр хэрэгжүүлэх төслүүдэд цахилгаан эрчим хүчийг “аюулгүйгээр, их хэмжээгээр” үйлдвэрлэх боломжтой болно.
“Ерөнхийлөгч Трампын баримталж буй үндэсний сансар огторгуйн бодлогын хүрээнд тус улс Сар руу сансрын нисгэгчдээ дахин илгээх, байнгын оршин суух дэд бүтцийг байгуулах шийдвэр төгс байгаа бөгөөд Ангараг гараг руу болон түүнээс цааш хийх дараагийн томоохон нислэгт шаардлагатай хөрөнгө оруулалтыг хийнэ” гэж NASA-гийн захирал Жаред Айзекман мэдэгджээ.
Эх сурвалж: montsame.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!