Улаанбаатар хот тойрсон төлбөр авах цэгүүдийн бэлэн орлого 1.6 тэрбум төгрөг байсан бол өдгөө 4.0 тэрбум төгрөгийн нэхэмжлэх үүсжээ. Өөрөөр хэлбэл төлбөр авах цэгүүд цахимжснаар орлого 1.5 дахин нэмэгдэх боломжтой болсон байна. Харин нийт 4.0 тэрбум төгрөгийн нэхэмжлэхийн 7 хувь буюу 390 орчим сая төгрөгийг л иргэд ухамсараараа төлсөн байдалтай байна гэж Зам, Тээврийн Хөгжлийн төвөөс мэдээлжээ.
Иргэдийн ярьж заншснаар хот, орон нутгийн замруу орж гарах товчоогоор нэвтэрхэд суудлын тэрэг 1000 төгрөг төлдөг байсан бол үүнийг бэлнээр авахаа больж авто машины дугаараар нэхэмжлэх үүсгэн дараа нь цахимаар төлөх боломжтой болгох ажлыг өнгөрөгч оны 10-р сараас эхэлжээ. Эхний ээлжинд Улаанбаатар хотыг тойрсон товчоодыг бүрэн цахимжуулж дууссан бөгөөд ингэснээр иргэд орон нутийн замд товчоод дээр саатахгүй зорчих, хүнд суртал чирэгдэл арилах нөхцөл бүрдсэн байна. Товчоод бэлнээр төлбөр хурааж байх үед нэг тээврийн хэрэгсэл 17.4 секунт зарцуулдаг байсан бол одоо 1-2 секунтэнд саадгүй нэвтэрч байна.
Манай Улс дэлхийн бусад улстай харьцуулахад энэ төрлийн төлбөр 5-10 дахин бага. Олон улсад 100 км тутамд төлбөр хураах цэгүүд байдаг бол Монгол Улсад 300 км тутамд 1 удаа төлбөр хураадаг байна.
Amlalt.mn
