ЦХХХ-ны сайд Н.Учрал "Шилэн" ажиллагааны хүрээнд мэдээлэл хийлээ. Энэ үеэр тэрбээр "Өнөөдөр Боловсролын зээлийн сан, Хөдөлмөр эрхлэлтийг дэмжих сан болон нийгмийн даатгалын сангийн мэдээллийг нээлттэй байршуулж байна. Ингэснээр Засгийн газрын 25 сангаас 9 сангийн мэдээлэл ил болж байгаа гэсэн үг юм. Мэргэжлийн боловсролыг дэмжих сан, хилийн чанадад байгаа Монголчуудад туслах сан, Эрүүл мэндийн яамны эрүүл мэндийг дэмжих сангийн мэдээлэл дутуу байна. Гэмт хэргийн хохирогчид нөхөн төлбөр олгох сан, архидан согтуурахтай тэмцэх урьдчилан сэргийлэх үйл ажиллагааг дэмжих сан мэдээллээ огт ирүүлээгүй. Эрүүл мэндийн даатгалын сан, Кино урлагийг дэмжих сан мэдээллээ ирүүлээгүй байна. Байгаль орчин уур амьсгалын сан, Бүх нийтийн үйлчилгээний үүргийн сан, Шинжлэх ухаан технологийн сангийн мэдээллийг энэ долоо хоногт багтаан https://shilen.gov.mn/ сайтад нэмж байршуулна" гэлээ.
Amlalt.mn
