Төрийн ордонд өнөөдөр /2023.06.13/ “Алтай дамнасан тогтвортой байдлын яриа хэлэлцээ-Жендэрийн эрх тэгш байдал ба тогтвортой хөгжил” олон улсын чуулга уулзалт үргэлжилж байна.
Энэ үеэр Монгол Улсын Ерөнхийлөгч асан Ц.Элбэгдорж "Бид олон улсын хурал хийж болно. Янз бүрийн хүн урьж болно. Жендерийн тэгш байдал, эмэгтэйчүүдийн оролцооны тухай ярьж болно. Олон зүйлийг шүүмжилж болно. Хамгийн гол зүйл нь хуульдаа тусгаж өгөх хэрэгтэй. Тусгахгүй л бол тоглоом, шоу болоод байна. Эмэгтэйчүүдийн тэгш эрхийн байдал гэдэг нь зөвхөн Монгол анхаарч байгаа юм биш. Эмэгтэйчүүд нийгмийн бүхий л хүнд ажил, гэр орны хүнд хэцүү ажлыг үүрч явдаг. Тиймээс тэднийг урдаа оруулж явах ёстой. Эмэгтэйчүүд шийдвэр гаргах түвшинд оролцох тусмаа л сайн байдаг юм. Эмэгтэйчүүд улс төрөөс хол байх ёстой гэдэг сэтгэлгээ буруу юм. Яг 50, 50 хувь ороод ирэх юм бол эмэгтэйчүүд эрчүүдээс дутахгүй шийдвэр гаргаад явах боломжтой. Эмэгтэйчүүд шийдвэр гаргах түвшинд оролцож байж нийгмийн амьдрал чинь тэгш болно" хэмээм.
Amlalt.mn
