“Байгууллагын болон багшийн үнэлгээ”-ний талаар Боловсролын үнэлгээний төвийн захирал Л.Ганбат дэлгэрэнгүй мэдээлэл өглөө. Энэхүү судалгааг Боловсролын үнэлгээний төвөөс хийж гүйцэтгэсэн байна.
Өнгөрсөн жилийн үнэлгээнд 681 сургуулийн 28382 багш давхардсан тоогоор 912978 суралцагч хамрагджээ.
Багш нарыг 4 шалгуур, 13 үзүүлэлтийн дагуу үнэлсэн байна. 2022 болоод 2023 оны үнэлгээг харьцуулахад 4 шалгуурын хувьд бүгд өссөн үзүүлэлт гарчээ.
Тодруулбал,
Суралцагчид боловсрол эзэмшүүлэх үйл ажилллагааны ахиц 59.33-60.69
Суралцагчийг хөгжүүлэх, төлөвшүүлэх, үйл ажиллагааны ахиц 65.91-85.44
Багшийн мэргэжлийн хөгжлийн ахиц үр дүн 85.7-89.74
Сургуулийн болон олон нийтийн үйл ажиллагаанд оролцсон байдал 85.3-88.4 хувь болж өсчээ.
Багшийг үнэлсэн 13 үзүүлэлт хэрхэн буурсан, нэмэгдсэнийг доорх зургаас харах боломжтой.
Мөн 1-4 дүгээр индескт хамаарах багш нарын тоо буюу цалин дээрээ нэмэлт урамшуулал авах багш нарын тоо 2022 онд 41.94 хувь байсан 2023 онд 51.71 хувь болж өсжээ.
2022 онд улсын дундаж 72.5 хувьтай байсан бол 2023 онд 75.71 хувь болж нэмэгджээ. Увс, Завхан, Баянхонгор, Өвөрхангай, Хөвсгөл, Говь-Алтай, Дархан-Уул аймаг Улаанбаатар хот улсын дунджаас дээгүүр үнэлэгджээ.
