Боловсролын салбарын төсвийн шинэчлэлийн хүрээнд "Нэг хүүхдийг сургах зардлын шинэчлэл"-ийн талаарх хэлэлцүүлэг болж байна.
Боловсрол, шинжлэх ухааны сайд Л.Энх-Амгалан" Өмнө нь нэг сурагчийг ямар зардлаар сургадаг байсан, үүнийг хэрхэн өөрчилсөн талаар мэдээлэл өгье. Өмнө нь бага ангийн нэг хүүхэд 910 мянган төгрөг, дунд анги 950 мянган төгрөг, ахлах анги 910 мянган төгрөг, цэцэрлэгийн хүүхдийн хувьд 1020 мянган төгрөгөөр санхүүжүүлдэг байсан. Нэг үгээр бол бид том сав руу хувьсах зардлын мөнгө хийгээд үр дүн, ахиц зэргийг нь тодорхойлж, хэмждэггүй орхидог байсан. Харин одоо нэг хүүхдийн хувьсах зардлыг анги бүрээр нь тооцож, санхүүжүүлдэг тогтолцоо руу шилжсэн. Учир нь анги бүр дээр үзэж байгаа хичээл, агуулга, багшийн тоо гээд харилцан адилгүй. Иймд үүнийг индексжүүлж санхүүгийн шинэ тогтолцоог бий болгож нэг хүүхдийн хувьсах зардлыг шинэчлэн тогтоогоод байна.
Тухайлбал,
- 1-р анги 1.607.0
- 2-р анги 1.616.7
- 3-р анги 1.576.3
- 4-р анги 1.743.7
- 5-р анги 1.791.0
- 6-р анги 2.117.7
- 7-р анги 2.224.7
- 8-р анги 2.282.9
- 9-р анги 2.324.2
- 10-р анги 2.250.8
- 11-р анги 2.352.4
- 12-р анги 2.386.3
- Цэцэрлэг 2.475.0 мянган төгрөг болж шинэчлэгдсэн.
Үүн дотор өмнө нь ордоггүй байсан бусад зардлуудыг тооцож өртөгт оруулдаг болсон.
