.jpg "Увс аймгийнхан “Цахим хөгжлийн өдөрлөг”-т нэгдлээ")
ЦХХХЯ-наас санаачлан үндэсний хэмжээнд өрнүүлж буй “Цахим хөгжлийн өдөрлөг” Увс аймагт боллоо. Цахим шилжилтийг эрчимжүүлэх, төрийн цахим үйлчилгээний чанар, хүртээмжийг нэмэгдүүлэх, иргэдийн цахим ур чадварыг дээшлүүлэх зорилготойгоор байгуулсан тус Ажлын хэсгийг ЦХХХ-ны дэд сайд Ж.Эрхэмбаатар ахлан ажиллаж байна.
Энэхүү өдөрлөгийн хүрээнд “Цахим үндэстэн” болох уриалга орон нутагт хэрхэн хэрэгжиж байгааг газар дээр нь ажиллан, үнэлж дүгнэхийн зэрэгцээ салбарын яам, холбогдох мэргэжилтнүүдийн зүгээс мэргэжил арга зүйн болон бодлогын дэмжлэг үзүүлэх үндсэн зорилготой. Ингэснээр цахимд хэвшихэд тулгарч буй асуудлыг засаж залруулах, улмаар иргэдийн хэрэглээнд хэвшүүлэх, төрийн үйлчилгээг түргэн шуурхай, чирэгдэлгүй болгохыг зорьж байгааг албаныхан онцолж байгаа юм.
“Цахимд хэвшье” уриатайгаар 21 аймагт өрнүүлж буй өдөрлөгт Увс аймгийн удирдлагууд болон төрийн албан хаагчид, ЕБС-ийн багш, сурагчдад зориулсан сургалтыг зохион байгуулсан бөгөөд хувиараа бизнес эрхлэгч иргэд, аж ахуйн нэгж, олон нийтэд зориулан “Мэдээллийн технологийн үндэсний программ хангамж үйлдвэрлэгчдийн холбоо” ТББ-ын гишүүн 23 байгууллагын төлөөллийн зүгээс өөрсдийн бүтээгдэхүүн үйлчилгээг танилцуулахаас гадна, үзэсгэлэн худалдаа, мэргэжлийн багийн зөвлөх үйлчилгээ нэгэн зэрэг хүргэж ажиллалаа.
