Шинэлэг, чөлөөт сэтгэлгээт хэв маягаар шүлэг бичих залуу уран бүтээлчдийг дэмжих зорилготой модернист яруу найрагч Д.Галсансүхийн нэрэмжит “ААБАН БЭЭБЭН – 2024” залуу яруу найрагчдын наадам маргааш буюу 5-р сарын 15-ны өдөр Д.Нацагдоржийн нэрэмжит Улаанбаатар хотын төв номын санд 15:00 цагт зохион байгуулагдах гэж байна.
“ААБАН БЭЭБЭН – 2024”наадмын хөтөлбөр:
– Наадамд шүлгээ уншихаар шалгарсан 20 залуу яруу найрагч
-Зочин яруу найрагч:Г.Сүхзориг, Л.Моломжамц, Д.Нямдорж, Ц.Буянзаяа нар өөрсдийн шүлгээ уншина.
-Яруу найрагч Д.Галсансүх шинэ шүлгүүдээ уншиж сонордуулна.
-Нисванис хамтлагийн ахлагч, дуучин Л. Энх-Амгалан хүрэлцэн ирж ая дуугаа өргөнө.
-“Битник шүлгүүд” шинэ ном, шинэ хос ПЯНЗ-аа танилцуулах зэрэг олон сонирхолтой арга хэмжээ зохион байгуулагдах юм.
Шүлэг, яруу найраг сонирхогч та бүхнийг “ААБАН БЭЭБЭН – 2024” залуу яруу найрагчдын наадамд хүрэлцэн ирж модернист яруу найрагч Д.Галсансүхийн ертөнцөөр аялахыг урьж байна.
