Баян-Өлгий аймгийн албан тушаалтнуудын хууль бусаар газар орны нэр өөрчилсөн хэргийн урьдчилсан хэлэлцүүлэг өнөөдөр болно.
Тус аймгийн 14 албан тушаалтны хэргийг 2020 оноос хойш одоог хүртэл мөрдөн шалгаж байна.
Энэ хэрэгт холбогдсон 14 хүнийг Эрүүгийн хуулийн 19.16.1 дэх заалтын "Монгол Улсын засаг захиргаа, нутаг дэвсгэрийн нэгж, хилийн цэс, газар орны нэрийг хууль бусаар албан ёсны баримт бичиг, газар зүйн зурагт өөрчилсөн" гэх заалтын дагуу яллагдагчаар татсан байна.
Нийслэлийн прокурорын газраас Баян-Өлгий аймгийн уул ус, газар нутгийн нэрийг өөрчилж казахаар нэрлэх болсон гэх хэрэгт яллах дүгнэлт үйлдэж, шүүх хурлыг дөрөвдүгээр сарын 25-нд хийхээр төлөвлөсөн боловч хойшилсон байсан.
Б.БАЯРМАА
