Ардчилсан нам Засгийн газрын бүрэлдэхүүнд орж ажиллахаар болжээ. Энэ бол хоёр талтай.
Нэгдүгээрт: Ардчилсан нам сөрөг хүчний үүргээ гүйцэтгэж ажиллах шаардлагатай боловч сөрөг хүчний үүргээ гүйцэтгэж байна гээд улс орны хөгжилд гацаа үүсгэх магадлалтай байсан.
Хоёрдугаарт: Засгийн газрын бүрэлдэхүүнд багтаж байгаа нь хамтраад бодлого үйл ажиллагаагаа нэгтгээд явах нь улс орны хөгжлийг урагшлуулахад чухал алхам болно.
Одоо бол нэгэнт Хамтарсан Засгийн газар байгуулагдах нь тодорхой болсон учир ирэх дөрвөн жил улс орны хөгжилд анхаараад Ардчилсан нам, Монгол Ардын намын мөрийн хөтөлбөрт тусгагдсан ард иргэд, нийгэм, эдийн засагт чухал үр нөлөө үзүүлэхүйц заалтуудыг хамтраад хэрэгжүүлэх шаардлагатай. Ингэж гэмээн улс орны хөгжил ирэх дөрвөн жилд урагшаа ахиж сайжирна гэж харж байна.
Магадгүй сөрөг хүчний үүргийг ХҮН, Иргэний зориг ногоон нам, Үндэсний эвсэл гүйцэтгэх болж байна. Гэхдээ Ардчилсан нам Засгийн газрын бүрэлдэхүүнд орж ажиллалаа гээд эрх баригчдын бодлого үйл ажиллагааг үг дуугүй дагна гэж ойлгож болохгүй.
Харин ч Ардчилсан намыг хамтрах бодлого шийдвэр дээрээ хамтраад, сөрөх хүчний үүргээ гүйцэтгээд ажиллаасай гэж иргэд хүсэж байгаа.
Ямартай ч үндэсний их баяр наадмын өмнө шинэ Засгийн газраа эмхлэн байгуулах нь зүйтэй.
Ингэхдээ Монгол Улсын 33 дахь Ерөнхий сайдаар томилогдсон Л.Оюун-Эрдэнэ Засгийн газрын бүтцэд өөрчлөлт оруулахааргүй шинэ Засгийн газраа байгуулах хэрэгтэй.
АМЛАЛТ.МН
