Хятад улсын стратегийн чухал шинэ салбар болж хөгжиж байгаа аж үйлдвэрийн тэргүүлэх чиглэлийн нэг нь цахилгаан авто машин үйлдвэрлэл болжээ. 2024 онд Хятад улс 10 сая цахилгаан машин үйлдвэрлэж борлуулжээ. 2025 онд 13 сая машин үйлдвэрлэж борлуулна гэж төлөвлөн ажиллаж байгаа гэнэ.
Тухайлбал Хэбэй мужийн Ухань хотноо байрлах Дүнфэн автомашины компани өндөр зэрэглэлийн ухаалаг, хувь хүн, гэр бүлийн бүхий л хэрэгцээг хангасан Ланьтү автомашин үйлдвэрлэж байна.
Тус авто машин нь бага цагт цэнэглэж, олон км замыг туулах чадвартай. Тухайлбал 500-900 км замыг нэг цэнэглэлтээр туулна.
Жил бүр загвар, тоног төхөөрөмжийн шинэчлэлийг хийдэг. Тухайлбал аюулгүй байдлыг дээд зэрэгт чухалчилж үйлдвэрлэдэг байна.
2024 онд 85,700 цахилгаан машиныг тус үйлдвэр 30 гаруй улсад борлуулсан нь өнгөрсөн оны мөн үеэс 70 хувиар өссөн үзүүлэлт юм.
Ланьтү автомашины үйлдвэрлэлийн шугамд 935 роботоор ажиллаж 118 секунд тутамд шинэ машиныг угсарч байна.
Ланьтү автомашин нь 5С ухаалаг цэнэглэгч ашигладаг бөгөөд зах зээлд 329,000-429,000 юаниар борлуулж байна. Хэрэглэгч 30-дээш хувийн урьдчилгаа төлбөр төлөхөд 7 хоногийн дотор авто машиныг нь захиалгын дагуу үйлдвэрлэж хэрэглэгчид хүлээлгэн өгдөг байна.
Тус үйлдвэрийн гэр бүлийн зориулалттай автомашин хамгийн өндөр борлуулалттай машинаар шалгарчээ.
