“Өмнөд бүсийн цахилгаан түгээх сүлжээ” ТӨХК нь Өмнөговь аймгийн 13 сумын нутаг дэвсгэрийг хамран нийт 1617,4 км цахилгаан шугам сүлжээ, 543 ширхэг дэд станц, хуваарилах байгууламжийн тоног төхөөрөмжийн ашиглалт, засвар үйлчилгээг хариуцан айл өрх - 21588, ААН – 3054, төсөвт- 1065, уул уурхайн 66 нийт 25771 хэрэглэгчдийг цахилгаан эрчим хүчээр ханган ажиллаж байна.
Өвөлжилтийн бэлтгэл хангах их, урсгал засвар, техник зохион байгуулалт, хөрөнгө оруулалтын төлөвлөгөөт ажлуудыг бүрэн хийж дуусган, шугам сүлжээ, дэд станцын параметрийн хяналт, хэмжилтийг ENERGY METRIX программ ашиглан тогтмол хийж хэмжилтийн үр дүнгээр фазын ачааллыг тэнцүүлэх, дэд өртөөнүүдийн трансформаторын буултын кабель шугамын хөндлөн огтлолыг нэмэгдүүлэх, хүчдэлийн уналттай дэд өртөөний трансформаторын хүчдэл тохируулгаар хүчдэлийн түвшинг нэмэгдүүлэх зэрэг ажлуудыг тогтмол хийн байгалийн давагдашгүй хүчин зүйлийн нөлөөлөл болон бусад шаардлагатай үед ажиллах машин механизмын бэлэн байдлыг хангах тал дээр анхаарч засвар үйлчилгээг хийн, аваар саатлын үед ажиллах хувилбар, сэлгэн залгалтын хөтөлбөрийг гарган, 2025-2026 оны өвлийн их ачааллын үеийн батлагдсан горим ажиллагааг мөрдөн ажиллаж байна.
