Хөдөлмөр, халамж, үйлчилгээний ерөнхий газраас нэгдүгээр сард нийгмийн халамжийн тэтгэвэр, тэтгэмж, хүүхдийн мөнгө олгох хуваарийг танилцууллаа.
Энэ сарын тэтгэвэр, тэтгэмж, хүүхдийн мөнгийг 15, 20, 27-нд хуваан олгохоор зохицуулжээ. Тодруулбал, энэ сарын 15, 27-нд тэтгэвэр, асаргаа, амьжиргаа тэтгэх мөнгөн тэтгэмж, ахмад болон хөгжлийн бэрхшээлтэй иргэнд олгох хөнгөлөлт, алдар цолтой ахмад настны дэмжлэгийг олгоно. Тэгвэл зорилтот бүлгийнхэнд олгодог хүнс тэжээлийн дэмжлэг, хүүхдийн мөнгө, олон хүүхэдтэй өрх толгойлсон эцэг, эхэд сар бүр олгодог тэтгэмжийг энэ сарын 20-нд өгөх аж.
Мөн онцгой тохиолдлын мөнгөн тусламж болон олон нийтийн оролцоонд түшиглэсэн халамжийг энэ сарын 27-нд олгох юм.
Харин ахмадын “Насны хишиг” болон “Эхийн алдар” одонгийн мөнгийг сард олгохгүй бөгөөд хоёрдугаар сард сар шинийн өмнө өгөхөөр зохицуулжээ.
Amlalt.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!