Сэтгүүлчийн бичсэн баримттай мэдээлэлд гомдох эрх аль нэг хувь хүнд, УИХ-ын гишүүнд, төрийн сайдад байдаг боловч БҮХЭЛ БҮТЭН ЯАМ гомдож байсан тохиолдлыг сайн мэдэхгүй юм.
Манай сайтын зүгээс энэ жил болох Цөлжилттэй тэмцэх тухай НҮБ-ын Конвенцын Талуудын 17 дугаар бага хурал (СОР17)-ыг огтоос эсэргүүцээгүй, салбарын сайдын хувьд тус арга хэмжээний бэлтгэл ажлыг хангах хүрээнд Б.Батбаатар сайдыг гадаад дотоодод томилолтоор явах, айлчлахыг нь буруутгаагүй бөгөөд гагцхүү аль нэг улс руу явах бүрд ДООР ТЭМДЭГЛЭГДСЭН "Танилцуулга, бусад материал бэлтгэх, хэвлэх зардал, Арга хэмжээ зохион байгуулах зардал, Уулзалтын зардал, Видео шторк хийлгэх зардал" зэргээр Төрийн хэмнэлтийн хуулийг зөрчин төсвийн мөнгөнөөс тодорхой зардлууд гаргаж байгаагаа тайлбарлахыг хүссэн. 
БОУАӨ-ийн сайд Б.Батбаатар "21-р зуунд, 2025 онд хэвлэн тараах материал гэж улс бүр рүү явахдаа "35.000.000-60.000.000 төгрөг зарцуулж, дээр нь видео шторк хийх нэрээр улс бүр рүү явахдаа 60.000.000-75.000.000 төгрөгөөр ямар шторк хийсэн, ямар хэмжээний тараах материал, ном товхимол авч явсан"-аа олон нийтэд мэдээлэх, танилцуулахын оронд энэ мэдээг нь бичиж, иргэдэд түгээсэн АМЛАЛТ.МН сайтыг яамаараа дамжуулж гомдол гарган шалгуулж байгаа нь өрөвдөлтэй.
Зүй нь бол БОУАӨЯ хэвлэл мэдээллийн байгууллагад "гомдож" цагдаад өгөхийн оронд Яамныхаа шилэн дансыг хөтөлж, сайдынхаа "үргүй" зардлыг багасгаснаа, дээрх зардлаар ямар үр дүнтэй ажлууд хийж хэрэгжүүлснээ олон нийтэд мэдээлчихвэл болох...
Харамсалтай нь ингэхийн оронд БОУАӨЯ нь сайдынхаа "тушаалаар", Төрийн нарийн бичгийн даргын үүргийг Түр орлон гүйцэтгэгчээр гарын үсэг зуруулж (төрийн мэргэжсэн албан хаагч байсан бол ийм гомдол гарах ёсгүйг мэдэх биз) бодит баримтыг мэдээлсэн сайтад гомдол гаргажээ.
Манай сайтын зүгээс БОУАӨЯ-ыг бидэнд хандаж гомдол гаргалаа олон нийтэд ҮНЭН БОДИТ, БАРИМТТАЙ мэдээлэл хүргэхээсээ НЯЦАХГҮЙ, таныг алдаага азасах хүртэл МЭДЭЭЛЭЛ ХҮРГЭХ ҮҮРГЭЭ үргэлжлүүлсээр байх болно гэдгээ үүгээр тус БОУАӨЯ-нд, Б.Батбаатар сайдад УЛАМЖИЛЬЯ
Ц.Мөнх
Amlalt.mn
