Төрийн албаны тухай хуулийн 66 дугаар зүйлийн 66.1.2 дахь заалтыг хэрэгжүүлэх хүрээнд 2026 онд төрийн албатай холбоотой судалгаа, шинжилгээний ажил зохион байгуулах асуудлаар холбогдох байгууллагуудын төлөөлөлтэй уулзалт зохион байгууллаа.
Уулзалтад Үндэсний аюулгүй байдлын зөвлөлийн дэргэдэх Стратеги судалгааны хүрээлэнгийн Дотоод аюулгүй байдлын асуудал хариуцсан нэгж, Удирдлагын академийн Судалгаа, эрдэм шинжилгээний албаны төлөөлөл оролцов.
Уг уулзалтаар Улсын Их Хурлын 2025 оны 48 дугаар тогтоолоор батлагдсан “Монгол Улсын хөгжлийн 2026 оны төлөвлөгөө”-нд туссан төрийн албаны реформын зорилт, арга хэмжээг хэрэгжүүлэх хүрээнд төрийн албаны шинэтгэлийг үргэлжлүүлэх, төрийн бодлого, үйл ажиллагааг шинжлэх ухааны үндэслэлтэй судалгаа, нотолгоонд тулгуурлан төлөвлөх, хэрэгжүүлэхэд чиглэсэн судалгааны сэдэв, агуулгын талаар санал солилцлоо.
Талууд цаашид төрийн албаны шинэтгэлийг судалгаа, шинжилгээний үр дүнд тулгуурлан дэмжих, бодлого боловсруулах үйл ажиллагааны чанар, уялдааг сайжруулах, хамтын ажиллагааг өргөжүүлэх чиглэлээр идэвхтэй хамтран ажиллах нь зүйтэй гэдэгт санал нэгдэв.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!