АНУ-ын агаарын тээврийн томоохон компани болох "Delta Air Lines"-ын үйл ажиллагаанд саатал гарч, олон зуун нислэг цуцлагдаж, мянга гаруй нислэг хойшлогдсон нь тус улсын нисэхийн салбарын үйл ажиллагааны сул талыг харуулж, ихээхэн шүүмжлэл дагуулаад байна. Үүний зэрэгцээ "Spirit Airlines" компани үйл ажиллагаагаа бүрэн зогсоожээ.
"Delta Air Lines" компани дотоод үйл ажиллагаанд нь ноцтой доголдол гарсны улмаас тавдугаар сарын 2-3-ны өдрүүдэд 400 гаруй нислэгээ цуцалж, 1000 гаруй нислэгийг хойшлуулжээ.
Хэдийгээр нийт нисэх буудлуудынх нь хувьд цаг агаарын нөхцөл байдал ерөнхийдөө тааламжтай байсан боловч гол саатал тус компанийн гол зангилаа буудлууд болох Атланта хотын Хартсфилд-Жексон, Лос-Анжелесын олон улсын нисэх буудлуудад гарсан байна.
"FlightAware" цахим хуудасны мэдээллээр, "Delta Air Lines" баасан гарагт нийт нислэгийнхээ 4 хувийг, бямба гарагт 7 хувийг буюу 48 цагийн хугацаанд нийт 376 орчим нислэгийг цуцалсан байна.
Дээрх саатал нь тавдугаар сарын 2-нд агаарын тээврийн "Spirit Airlines" компани Засгийн газраас санхүүгийн тусламж авч чадалгүй, үйл ажиллагаагаа бүрэн зогсоосон үетэй давхацжээ.
Эх сурвалж: Montsame.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!