Засгийн газрын ээлжит хуралдаанаар эрчим хүчний салбарын засаглалыг сайжруулах, үр ашгийг нэмэх зарим үйл ажиллагааны тухай тогтоолыг баталлаа.
Эрчим хүч үйлдвэрлэх, дамжуулах, түгээх, хангах бүх шатанд өртөг зардлыг гурваас доошгүй хувиар багасгах, үр ашгийг нэмэх, худалдан авах ажиллагааны ил тод байдлыг хангах, хяналт, сахилга, хариуцлагыг дээшлүүлэх, компаниудын орон тоо, бүтэц зохион байгуулалтыг оновчтой тогтоож, компанийн засаглалыг сайжруулах арга хэмжээ авахыг Эрчим хүчний сайд Б.Найдалаад үүрэг болгов.
Хэрэглэгчид үзүүлэх үйлчилгээний чанарыг сайжруулах, үйлчилгээг цахимжуулах, бүтээмж, үр ашгийг дээшлүүлэх, хэрэглэгч хэрэглээгээ хянах, хэмнэх, төлбөрөө хялбараар зохицуулах боломжийг бүрдүүлэхийг ч даалгасан юм.
Дээрх тогтоолоор эрчим хүчний салбарын 2026-2027 оны өвлийн оргил ачааллыг хэвийн давахын тулд Сэлэнгэ аймгийн Сүхбаатар суманд барьж буй 70 МВт-ын дулааны цахилгаан станцын төслийг энэ оны III улиралд, Төвийн бүсийн нэгдсэн сүлжээнд 80 МВт хүртэлх чадлыг нийлүүлэх “Зэс оюу” станцыг наймдугаар сараас өмнө ашиглалтад оруулах, эрчим хүчний системийн оргил ачааллын үед үүсэх чадлын дутагдлыг нөхөх батарей хуримтлуурын төслийг хувийн хэвшлийн хөрөнгөөр хэрэгжүүлэх ажээ.
Эх сурвалж: Montsame.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!