О.Цогтгэрэл: МАН-ын сонгуулийн мөрийн хөтөлбөрийн бүх заалтын цаана биелж байгаа ганц ч зүйл алга
Ангилал
УИХ-ын гишүүд
Огноо
Унших
5 минут 5 секунд
О.Цогтгэрэл: МАН-ын сонгуулийн мөрийн хөтөлбөрийн бүх заалтын цаана биелж байгаа ганц ч зүйл алга
Нийтлэсэн огноо:

О.Цогтгэрэл: МАН-ын сонгуулийн мөрийн хөтөлбөрийн бүх заалтын цаана биелж байгаа ганц ч зүйл алга

АН-ын бүлгээс долоо хоног бүрийн Даваа гарагийн хуралдаанаар МАН-ын 2020 оны сонгуулийн мөрийн хөтөлбөрийг ярих ажилд төвлөрч ажиллаж байгаа.

УИХ дахь Ардчилсан намын бүлгийн дарга, УИХ-ын гишүүн О.Цогтгэрэл: "Нийгэмд тулгамдаж буй асуудлаар нээлттэй хэлэлцүүлэг хийх боломжтой. Уг үйл ажиллагаанд ардчилсан намын бүлгийн гишүүд, дэмжигчид оролцохыг хүсвэл бүлэг бүрэн нээлттэй байх болно.

МАН-ын үйл ажиллагаа болон мөрийн хөтөлбөрийн дутмаг талуудаа эрх баригчид нь эргэж хараасай, биелүүлээсэй гэж хүсэж байна. Бүс нутгуудад үйлдвэр технологийн албан парк байгуулна гэж 2020 онд хэлсэн. Удахгүй 2023 он гарна. Хэдэн аж үйлдвэрийн парк Монгол Улсад байгуулагдсан байгаа вэ гэхээр нэг ч байхгүй байна. Төв суурин газрын иргэдийн 70-аас дээш хувийг орон сууцаар хангана гэсэн нь мөн л хэрэгжээгүй.

Монгол Улсын 330 сумаас 99 сумыг жишиг сум болгоно гэсэн. Нэг ч сумын төвийг орчин үед шилжүүлсэн жишиг алга. Энэ нь нэг жилийн дараа биелэх үү?” гэдгийг хэлж байлаа.

МАН 2020 оны сонгуулийн мөрийн хөтөлбөртөө таван зүйл заалттай, 700 орчим нэр бүхий зүйлийг ард иргэдэд амласан.

Энэхүү мөрийн хөтөлбөрөөс ард түмний аж амьдралд шууд нөлөөлөх топ 10 амлалтыг эргэн харъя.

1. Иргэн бүр эрүүл мэндийн оношилгоонд жил бүр заавал хамрагддаг болно.

2. Анх удаа байр авч байгаа бол урьдчилгаа төлбөргүй, харин бага, дунд орлоготой айл өрхөд 4-6 хувийн хүүтэй ипотекийн зээл олгоно.

3. Зээлийн хүүг бууруулж, сарын 1 хувиас хэтрүүлэхгүй болгоно. Цалингаас суутгадаг хувь хүний орлогын албан татвар /ХОАТ/-ыг хоёр дахин бууруулна.

4. Хүүхэд бүрийг хадгаламжтай болгох “Хуримтлалтай хүүхэд” хөтөлбөр хэрэгжүүлнэ.

5. Бүх, 330 сумдыг аймгийн төвүүдтэй нь холбох “Нутгийн зам” хөтөлбөр хэрэгжүүлнэ.

6. 100 мянган өрхийг орон сууцтай болгож, нийт иргэдийнхээ 70 хувийг орон сууцаар хангана.

7. Улаанбаатар хотын олон нийтийн зам талбайг бүрэн камержуулж нийслэлийн иргэдийн аюулгүй байдлыг хангана.

8. Агаарын бохирдлыг 80 хувь бууруулна.

9. Оюутнуудад 100 хувь хүртэл сургалтын төлбөрийн тэтгэлэг олгох “Үндэсний тэтгэлэг” хөтөлбөр хэрэгжүүлнэ.

10. Гурав ба түүнээс дээш хүүхэдтэй өрхөд татварын хөнгөлөлт үзүүлнэ.

Өнгөрсөн 7 хоногийн АН-ын бүлгийн хуралдааны үеэрээ Засгийн газрын мөрийн хөтөлбөрт Монголбанкны мөнгөний бодлогын заалтад зээлийн хүүг бууруулж, сарын нэг хувь болгоно гэсэн. Гэтэл өнөөдөр зээлийн хүү өндөр, зээл олдохгүй байгаа. Мөн иргэдийн орлогыг нэмэгдүүлж, ядуурлыг хоёр дахин бууруулна гэсэн. Тухайн үед ядуурал 28 хувьтай байсан бол үүнийг хоёр дахин бууруулахаар 10 гаруй хувьтай болсон байх ёстой. Гэтэл одоо 42 хувь болсон. Эсрэгээрээ дахин нэмэгдсэн тоо баримт олон байгааг Бүлгийн дарга О.Цогтгэрэл онцолсон.

Мөн АН-ын гишүүн Н.Ганибал: “2020 онд иргэн бүр 15 сая төгрөгийн өртэй байсан бол 2022 онд 30 сая төгрөгийн өртэй болсон. 2023 оны улсын төсвийн хэлэлцүүлэгт өрийг багасгах талаар нэг ч бодлогын заалтыг тусгаагүй байна. Харин 2023 оны улсын төсөвт өрийг улам нэмэгдүүлэх бодлогыг тусгасан.

Дархан арьс ширний цогцолборыг хоёр жилийн хугацаанд ашиглалтад оруулна гэсэн боловч одоо болохоор Эмээлтэд шинээр арьс ширний цогцолбор байгуулах талаар ярьж байна. Үнийг тогтворжуулна гэж мөрийн хөтөлбөртөө тусгасан боловч гурилын үнэ 50-70 хувиар нэмэгдсэн. Хоёр жил хагас гэдэг хангалттай цаг хугацаа. Энэ асуудлуудыг зохицуулах арга Засгийн газарт хангалттай байгаа. Гэвч ярьж, сэтгэж, бодож байгаа болгон нь буруу байна" гэлээ.

АН-ын бүлгийн дарга О.Цогтгэрэл: “Манай нам "Амлалт ажлын зөрүү” хэмээх хөтөлбөрт ажил зохион байгуулж байгаа. Зорилго нь эрх баригч намын сонгуулийн мөрийн хөтөлбөрийг сануулах юм. Учир нь МАН-ын амлалт ажлын зөрүү их байна. МАН-ын сонгуулийн мөрийн хөтөлбөрийн бүх заалтын цаана биелж байгаа ганц ч зүйл алга” гэдгийг онцолж байлаа.

No description available.

Аялал жуулчлалын тухай хууль:Жуулчдын худалдан авсан бараа, бүтээгдэхүүний НӨАТ-ыг 100 хувь буцаан олгоно
Аялал жуулчлалын тухай хууль:Жуулчдын худалдан авсан бараа, бүтээгдэхүүний НӨАТ-ыг 100 хувь буцаан олгоно
 
А.Адъяасүрэн гишүүнийг хоёр хэргээр яллагдагчаар татжээ
А.Адъяасүрэн гишүүнийг хоёр хэргээр яллагдагчаар татжээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!