Амлалт.мн сайтаас 2022 оны 12-р сард Улсын Их Хурлын гишүүд, Засгийн газрын гишүүд, Нийслэлийн ИТХ-ын 45 төлөөлөгчид рүү 2020 оны Улсын Их хурлын болон орон нутгийн сонгуулиар дэвшүүлсэн мөрийн хөтөлбөр, биелэлт, хэрэгжилт, үр дүнгийн талаарх тайлан мэдээллээ бидэнд илгээнэ үү гэсэн хүсэлтийг албан бичгээр хүргүүлсэн.
Энэ дагуу манай сайтад 2020 оны Нийслэлийн ИТХ-ын сонгуульд 8-р тойрогт Монгол Ардын намаас нэр дэвшиж сонгогдон ажиллаж байгаа Нийслэлийн Иргэдийн Төлөөлөгчдийн Хурлын Төлөөлөгч Б.Сүхбаатар, Б.Пүрэвдагва нар сонгогдсон тойргоо хөгжүүлэх, дэд бүтцийг сайжруулах, иргэдийн эрүүл, аюулгүй амьдрах орчныг бүрдүүлэх зэрэг чиглэлээр хийж хэрэгжүүлсэн зарим ажлынхаа тайлангаа өнөөдөр /2023.01.26/ ирүүлсэн байна.
Нийслэлийн Иргэдийн Төлөөлөгчдийн Хурлын Төлөөлөгч Б.Сүхбаатар, Б.Пүрэвдагва нарын Монголын Үнэн сонины 2022 оны арванхоёрдугаар сар №050 (24531) дугаарт нийтлэгдсэн тайлан мэдээллийг хүргэж байна.
Бид дээрх хоёр төлөөлөгчийн амласан амлалт, хэрэгжилт тайлангийн талаарх мэдээллийг тухайн хоёр төлөөлөгчдөөс асуух болно.
Мөн Баянзүрх дүүргийн 5, 16, 19, 22, 24-р хорооны иргэд сонгогчид та бүхэн 77057676 утсаар холбогдож НИТХ-ын төлөөлөгч Б.Сүхбаатар, Б.Пүрэвдагва нартай холбоотой мэдээлэл өгнө үү.
