Нийслэлийн засаг даргын орлогч З.Төмөртөмөө "Их хотын бүсгүйчүүд" арга хэмжээг нээж үг хэллээ.
Нийслэлийн засаг даргын орлогч З.Төмөртөмөө:
"Энэхүү арга хэмжээний гол зорилго нь хотын бүтээн байгуулалттай салшгүй холбоотой явдаг эмэгтэйчүүдээ алдаршуулах, залуу хойч үедээ сурталчлан таниулах, бахархах сэтгэлгээ төлөвлшүүлэх зорилготой. Эмэгтэйчүүд бүхий л салбарт манлайлагч байж чаддаг. Хөгжлийн гол судас нь эмэгтэйчүүд та бүхэн билээ. Боловсрол, эрүүл мэнд спорт гээд бүхий л салбарт эмэгтэйчүүд ажиллаж байна. Нийслэлд нийт ажил эрхлэгчдийн 46 хувь нь эмэгтэйчүүд байна. Энэ нь хотын хөгжилд эмэгтэйчүүдийн оролцоо эн тэнцүү байгааг илтгэж байгаа юм. Мөн эмэгтэйчүүд эрчүүдээс илүү их ачаа үүрч явдаг нь үнэн. Боловсролтой мэдлэгтэй өөрсдөө манлайлан хөдөлмөрлөж, үдшийн бүрий болтол ажиллаж буй олон эмэгтэй бий. Эмэгтэйчүүдийн зүтгэл оролцоогүй хөгжиж байгаа салбар хаана ч үгүй." хэмээн олон улсын эмэгтэйчүүдийн баярын мэндийг дэвшүүллээ.
11 цаг 23 минут
2022.03.07
“Их хотын бүсгүйчүүд-2022” хүндэтгэлтийн арга хэмжээ Соёлын төв өргөөнд болж байна. Арга хэмжээний үеэр нийслэлийн шилдэг 9 эмэгтэйд шагнал гардуулах бөгөөд Жижиг, дунд үйлдвэрлэл, үйлчилгээ эрхлэгч эмэгтэйчүүдийн бүтээлийн үзэсгэлэн худалдаа болох юм.
