Өнгөрөгч баасан гарагт буюу аравдугаар сарын 29-нд Монголын залуучуудын холбооны ээлжит бус долоодугаар их хурал болж, одоогийн ерөнхийлөгч О.Гэрэлт-Одыг ажлаас нь чөлөөлж, Б.Сэргэлэнбаатарыг ерөнхийлөгчөөр сонголоо. Б.Сэргэлэнбаатар нь Нийслэлийн Иргэдийн төлөөлөгчдийн хурлын төлөөлөгч бөгөөд НАМЗХ-ны дэд ерөнхийлөгч, Нийслэлийн НАМЗХ-ны тэргүүн юм. Шинээр ерөнхийлөгчөөр сонгогдсон тэрбээр өөрийн цахим хуудаснаа "Монголын залуучуудын холбооны ээлжит бус долдугаар их хурлаар залуучуудынхаа итгэлийг хүлээж, Ерөнхийлөгчөөр сонгогдлоо. Зуун жилийн түүхтэй залуучуудын байгууллагын үйл ажиллагааг шинэ шатанд гаргаж, одоогийн боломжийг нэмэгдүүлэн, залуучуудынхаа дуу хоолой, зорилго зорилтын гүүр болон хамтран ажиллаж, та бүхнийхээ итгэлд зүтгэлээр хариу барих болно" хэмээжээ. МЗХ-ны ерөнхийлөгч асан О.Гэрэлт-Одыг МЗХ-ны газрыг хууль бусаар зарсан, үнэт зүйлийг ноцтойгоор зөрчсөн хэмээх үндэслэлээр чөлөөлжээ.
Нийтлэсэн огноо:
НИТХ-ын хурлын төлөөлөгч Б.Сэргэлэнбаатар МЗХ-г тэргүүлнэ
Энэ мэдээ хуучирсан буюу 2021/11/01-нд нийтлэгдсэн мэдээ болно.
