НОГООН АВТОБУСНЫ гэх дуулиант хэрэг сөхөгдөөд чамгүй урт хугацаа өнгөрсөн ч гэмт хэрэгтнүүд нь өнөөдөр ч одроогүй хэвээр. Бүр "албаар тодруулахгүй" байна уу даа ч гэж олон нийт хардлага "тээж" байна, үгүйсгэмгүй л...
НОГООН АВТОБУСНЫ хэрэг хууль, хяналтын байгууллага дээр ч тэр, Нийслэл дээр ч тэр "дурсагдахаа" болилоо. Уг нь сайтар шалгавал албан тушаалтнуудтай болон тэдний хамаарал бүхий этгээдүүдтэй холбоотой том хулгай, том авлигын мөр "зурайх" нь илт.
Гэтэл холбогдох байгууллагууд нь "ойшоодоггүй", бүр Хууль зүйн сайд нь ч хүртэл "санаа чилээхгүй" байгаа нь хачирхалтай.
Тэр энэ эс үйлдэлээрээ "ногоон автобустай" холбоотой албан тушаалын гэмт хэрэг, авлига хулгай, луйврыг "өөгшүүлж" байгаа мэт харагдах. Уг нь Б.Энхбаяр "Шударга ёсны" сайдйн хувьд НОГООН АВТОБУСНЫ хэрэг дээр оройлон оролцож, хууль хяналтын салбарынханд үнэнмөнийг олохыг өдөр бүр сануулж, өөрийн чадал чансаагаа харуулмаар байгаа юм.
Гэвч тэр сайд болсноосоо хойш сайтар "гялтайсан" ажил хийсэнгүй. "Гялтайх" ганц боломж нь эл хэрэг л байгаа юм л даа уг нь. Харамсалтай нь тэр "гар хумхиастай". Бүр түүнийг НОГООН АВТОБУСНЫ хэргийн ард байгаа, гэмтнүүдийг "өмгөөлж, эрхлүүлж" байгаа гэх бор шувуу ч хэвлэлүүдээр нисэлдээд эхэлсэн.
Ялангуяа хотын экс мээр Д.Сумъяабазарыг тун чиг сайн "хамгаалж" байгаа л гэх. Б.Энхбаяр сайд аа.
Та НОГООН АВТОБУСНЫ авлигын хэрэг дээр дорвитойхон зүтгэл үзүүлж, тос усыг нь ялга аа.
Олон түмэнд ил тод, нээлттэй мэдээлэл өгч, албан тушаалын авлигач, хулгайчдыг хуулийн "илдээр"-ээ цээрлүүл ээ.
Б.Энхбаяр та ингэж амлаад л ХЗДХ-ийн сайд болсон биш үү. Одоо л хэлсэндээ хүрч, хэлснээ батла, өөрөө ч "Ногоон автобус"-ны хулгай авлигын хэрэгт холбогдогчидыг өмгөөлөөгүй гэдгээ үйлдлээрээ нотол...
А.Галт
Амлалт.мн
