Монгол Улсын Засгийн Газрын 2023 оны 11 дүгээр сарын 15-ны өдрийн 46 дугаар тэмдэглэлд бүх нийтийн цахим ур чадварыг дээшлүүлэх арга хэмжээг улсын хэмжээнд зохион байгуулахыг Цахим хөгжил, харилцаа холбооны сайд болон Засгийн газрын Хэрэг эрхлэх газарт тус тус үүрэг болгосон.
“И-Монгол академи” УТҮГ-аас бүх нийтийн цахим ур чадварыг дээшлүүлж, тоон хуваагдлыг бууруулан цахим шилжилтийн бэлэн байдлыг хангах зорилгоор Цахим ур чадварын аяныг зохион байгуулж байгаа билээ.
Аяны хүрээнд Баянгол дүүргийн Насан Туршийн Суралцахуйн Төв хамтран тус дүүргийн иргэдэд цахим ур чадварын сургалтыг 2024 оны 06-р сарын 06-ны өдөр зохион байгууллаа.
Тус сургалтаар "Цахим иргэн" гэж хэн болох, цахим орчны зохистой хэрэглээ, цахим орчин дахь хүүхэд хамгаалал, Төрийн цахим үйлчилгээний нэгдсэн систем E-Mongolia, цахим орчин дахь мэдээллийн аюулгүй байдлын зөвлөмж зэрэг агуулгын хүрээнд мэдлэг ойлголтоо нэмэгдүүлэв.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!