“Бадарчин явсан газар балагтай, батгана суусан газар өттэй” гэгчийн үлгэрээр ТЭЦ IV станцын захирал Ү.Төмөрхуягийн явсан газар асуудал, хөрөнгө мөнгө завшилт, хормой хотны явдал тасрахгүй нь бололтой.
Манай амлалт.мн сайт ТЭЦ IV станцын захирал Ү.Төмөрхуягийн бусармаг явдалтай холбоотой олон мэдээллийг цувралаар хүргэсэн.
Тухайлбал, төрийн албанд ажиллаж байхдаа нэг тэрбум төгрөгийн орлого нуун дарагдуулж, АТГ-ын Хөрөнгө орлогын мэдүүлэгтээ нуусан гэмт хэргийн шинжтэй үйлдэл гаргасан, тус нуусан 1 тэрбум төгрөгөө эхнэрийнхээ нэрээр бусдад хүүтэй зээлдүүлж, барилгын салбарт хөрөнгө оруулах нэрээр царцааж, 11 жилийн турш авч чадалгүй байсаар тухайн газарт нь барилга барьсан компантай гэрээ байгуулан ажилласан ч шунал нь дийлж, их хэмжээний мөнгө нэхэн гэрээгээ зөрчин шүүхэд хандсан, ТЭЦ IV станцын захирлаар ажиллаж байх хугацаанд эрхэлсэн ажилдаа хариуцлага алдсаны улмаас 2 залуухан ажилтан нас барсан, нэг нь Ковидын цаг үед Ү.Төмөрхуяг захирал хөл хорионы хууль, төрийн албаны хэмнэлтийн хууль зөрчин байгууллагаараа баяр ёслол тэмдэглэх үеэр нас барсан бол өөр нэг ажилтан үйлдвэрлэлийн ослоор нас барсныг зохих шатны байгууллагад нь мэдэгдэлгүй нуун дарагдуулсан, төрийн мөнгийг үргүй зардалд зарцуулсан, байгууллагадаа дабл стандарт тогтоосон, ажилтан албан хаагчидаа ялгаварлан гадуурхдаг, ажил дээрээ архидан согтуурдаг, ажилчдынхаа нэмэлт цалин урамшууллыг олгодоггүй, дундаас нь мөнгө завшдаг, тэтгэвэрт гарч байгаа ахмадуудын тэтгэврийн мөнгийг нь өгдөггүй хасдаг зэрэг олон мэдээллийг бид иргэд олон нийтэд илчлэн хүргэсэн.
Түүгээр зогсохгүй ТЭЦ IV станцын захирал Ү.Төмөрхуяг бол төрийн албан хаагчид байж боломгүй ёс зүйн доголдолтой нэгэн гэх. Эмэгтэй ажилтнууддаа ажлын байрны бэлгийн дарамт үзүүлдэг гэх, гэр бүлээс гадуурх харилцаа үүсгэж, хоёр эхнэртэй мэт амьдардаг, нууц амраг, хүүхэд шуухдыг нь гаргасан бүсгүйчүүдээ ил далдуур мөнгө санхүүгээр дэмжиж явдаг тухай мэдээллийг ч бид нийтэлсэн.
Тэгвэл энэ удаад ТЭЦ IV станцын захирал Ү.Төмөрхуягтай холбоотой бас нэгэн шинэ баримтыг дэлгэж байна.
“Үнэнд гүйцэгдэнэ” гэдэг шиг Ү.Төмөрхуяг ажлаа өгөөд нэн даруй тэтгэвэрт гарахгүй бол түүний идсэн суусан, төрийг шамшигдуулсан, татвар төлөгчдийн мөнгийг үргүй зарцуулсантай холбоотой баримтууд ар араасаа арвин ихээр гарах нь бололтой. Ү.Төмөрхуягийг ТЭЦ IV станцыг удирдаж байх явцад Ү.Төмөрхуяг төрийг удирдаж байх явцдаа 2023 онд хувийн санхүүгийн “Мишээл од” аудитын газар аудит хийсэн бөгөөд 13.9 тэрбум төгрөгийн зөрчил гаргасныг мань Ү.Төмөрхуяг дарга хүлээн зөвшөөрөхгүй шүүхэд өгсөн ч анхан шатны шүүхийн дүгнэлтээр яллагдаж үнэнд гүйцэгдсэн аж.
Дараа жилүүдэд нь буюу 2024 оны 3 сард, мөн 2025 оны 3 сард Үндэсний аудитын шалгалтаар ТЭЦ IV станцад аудитын “Хязгаарлалттай дүгнэлт” гаргасан байна. Тус дүгнэлтээр анх 42,2 тэрбум төгрөгийн зөрчил гаргасан ч Ү.Төмөрхуяг захирал дарга нарыг зулгуйддаг, дайлж цайлдаг, танил талаа ашигладаг, аргалж өөртөө татдаг бүх арга, эрх хүний 13 мэхээ ашиглан байж 12.2 сая төгрөгийн акт болгож засуулсан гэдэг.
Түүнчлэн Ү.Төмөрхуяг өмнө нь ТЭЦ III-ийн Ерөнхий инженерээр ажиллаж байхдаа Төлөвлөлт эдийн засгийн дарга Ж.Отгон гэгчтэй хамтран “хөшигний цаана” гар нийлж, эрчим хүчний тендерийн зохицуулдаг, төрийн мөнгийг шамшигдуулдаг байсан байж болзошгүй тухай баримтууд бас байна.
Ү.Төмөрхуягийн хамаарал бүхий этгээд буюу эхнэр Л.Оюунгэрэлийн хариуцдаг эрчим хүчний салбарын “Восток энерго монтаж” ХХК гэдэг компани байдаг бөгөөд энэ компани нь 2013 оноос Татварын газарт тайлан өгч эхэлсэн гэнэ. Тэгэхлээр энэ хугацаанаас өмнө Ү.Төмөрхуяг тус компаниа татварт бүртгүүлэлгүйгээр “мөнгө угаадаг” байж болзошгүй дүр зураг харагдаж байгаа юм.
Ү.Төмөрхуягийн хамаарал бүхий “Восток энерго монтаж” ХХК нь 2017 онд ТЭЦ IV станциас зарласан 1,151 тэрбум төгрөгийн өртөг бүхий Зуухны галлагааны уурын коллеторын 1-р секцийн Ф219 х25 мм шугам, булан, тройникан тусгай металл хийц (ДЦС4/201700041) тендерт шалгарсан гэдгийг 2020 онд сэтгүүлч Оргилмаа твиттер хуудсандаа “За эндээс ДЦС-4ийн гүйцэтгэх захирал Ү.Төмөрхуягийн Восток энерго монтаж ХХК нь ДЦС-4-өөс зарласан тендертээ шалгарч байгааг хараарай. Төсөвт өртөг 1.151.990.970 төгрөг” гэж нийтэлж байжээ
Ү.Төмөрхуяг ТЭЦ IV станцын захирлаар очингуутаа өмнөх хамтрагч Ж.Отгоноо татан авч, ТЭЦ IV станцын Төлөвлөлтийн даргаар авч ажиллуулж, олон асуудлыг хамтран “будилуулсан” байж болзошгүй аж. 2024 оны 4 сард Ж.Отгон нь тэтгэвэрт гарсан ч Ү.Төмөрхуяг төрийн хэмнэлтийн хуулийг зөрчин гэрээт ажилтнаар ажиллуулан, улмаар шинээр Хяналт үнэлгээний ажилтан гэх орон тоог бий болгон тэтгэвэрт гарсан найз, “хулгайн хамтрагчаа” авч ажиллуулсаар байгаа гэнэ.
Ц.Мөнх
Amlalt.mn
