ТЭЦ IV төрийн өмчит компанийн захирал Ү.Төмөрхуяг гэж нэг тийм “даам” гарчихсан хүн байдаг гэнэ. Төрийн албан хаагч атлаа хязгааргүй баян, бусдад мөнгө зээлж хүүлдэг, энэ орлогынхоо тухай АТГ-д гаргаж өгдөг хөрөнгө орлогын мэдүүлэгтээ тусгадаггүй, хувийн ашиг сонирхолоо эрхэлсэн ажилдаа тусгадаг, ёс зүйн хувьд төрийн албанд тэнцэхээргүй атлаа Төрийн өндөр албан тушаалтнуудын нэрийг барьж, өөрийгөө “Ерөнхийлөгч У.Хүрэлсүхийн найз, Ерөнхий сайд асан Л.Оюун-Эрдэнийн ах, УБТЗ-ын дарга Х.Хэрлэнгийн фракци, АТГ-ын дарга З.Дашдаваатай нэг нутаг” гэх зэргээр ярьж, бусдыг айлган сүрдүүлж, өөртөө давуу байдал бий болгохыг зорьдог нэгэн гэх.
Монгол Улсад ТЭЦ IV дарга Ү.Төмөрхуягаас өөр дулааны станцыг удирдаад явах боловсон хүчингүй юмуу гэж бодмоор. Учир нь тэр дулааны цахилгаан станцуудын даргаар ээлж дараалан томилогдож ирсэн ч өнөөдрийг хүртэл Улаанбаатар хотод тог тасалдах, дулаан алдагдах нөхцөл байдал байсара байна. Түүгээр зогсохгүй ТЭЦ IV дарга Ү.Төмөрхуягтай холбоотой олон гомдолыг АТГ-т жирийн иргэд олон ажилтнууд нь гаргадаг ч тэр АТГ-аар асуудлаа “аргалуулаад” өнгөрдөг гэх.
Zuv.mn сайтад мэдээлснээр 2022 оны 03 сард ТЭЦ IV станцын ажилтнууд дарга Ү.Төмөрхуягийн хэрээс хэтэрсэн үйлдлийг эсэргүүцэн “Тэвчээр тасарлаа” хэмээн мэдэгдэл гаргаж, байгууллагынхаа Үйлдвэрчний эвлэл болон Эрчим хүчний сайд Н.Тавинбэхэд хандан хүргүүлсэн байдаг. Гэвч хэн чтүүнд арга хэмжээ авч, хариуцлага тооцсонгүй. Төд удалгүй мөн оны 8 сард Эрчим хүчний салбарын 100 жилийн ойгоо тэмдэглэх үеэр Ү.Төмөрхуяг даргатай ТЭЦ IV станцийн ажилтан залуу алтан амиа алдсан хэрэг гарсан байдаг. Эрдэнэт хүний алтан амь алдагдсан ч өнөөх Ү.Төмөрхуяг дарга ямар нэг хариуцлага хүлээлгүй асуудлаас хуурай гарсан нь гайхалтай. Энэ тухай ЭНД ДАРЖ УНШААРАЙ.
“Намайг хэн тоох вэ, нохойг хэн саах вэ гэдэг шиг өөртөө эрдэн, төрийн өндөр албан тушаалтнуудтай найз гэдэгтээ бардсан” Ү.Төмөрхуяг Дорнод аймагт шинээр баригдсан орон сууцанд орсон 70 өрхийн 300 гаруй иргэдийг хоёр жилийн хохироожээ.
Үүний улмаас байрны ордероо авч чадаагүйн улмаас эдгээр иргэд үр хүүхдээ сургууль цэцэрлэгт оруулж чадахгүй, банкны зээлд хамрагдахгүйд хүрч, өр зээлэндээ баригдан гудамжинд гарахдаа туллаа гэж Дорнодоос ирсэн хохирсон иргэдийн төлөөлөл 9 сарын 10-ны буюу хэлмэгсдэгдийн дурсгалыг хүндэтгэх өдөр хаа байсан 700 км газраас зорин ирж, Хэлмэгдэгсдийн хөшөөний хажууд хэвлэлд хандан мэдээлэл өгч, зүүн бүсээс УИХ-д сонгогдсон гишүүдэд хандан шаардлага хүргүүлжээ.
Тус асуудлыг тодруулж үзвэл ТЭЦ IV станцийн дарга Ү.Төмөрхуяг, “Бүрэн сүх” барилгын компанийн захирал А.Амартүвшин нар хоорондоо гэрээ байгуулан 16 давхар барилгыг “Бүрэн сүх” компани барьсан боловч, барилга баригдаж дууссаны дараа хамтын гэрээ дуусаагүй байхад гэрээнд зааснаас өөр зүйлийг Ү.Төмөрхуяг нэхэж, шаардсан зүйлийг биелүүлэхгүй байна хэмээн “Бүрэн сүх” ХХК-ийг биш хам хамаагүй Дорнод аймгийн Улсын бүртгэлийн газрыг шүүхэд өгчээ.
Үүнээс болоод 300 айлын байрны ордер гарах асуудал “гацсан” байна. Ү.Төмөрхуягийн энэ үйлдлийг тэрбээр Дорнод аймагт олон жил ажиллж амьдарсан, Дорнодын цахилгаан станцийн дарга байсан хүний хувьд шүүхэд нөлөөлж, өөрийн хүссэн шийдвэрээ гаргуулахаар улайрч байна гэж харахад хүрч байна.
Ийнхүү ажиллаж буй байгууллага, ажилтан албан хаагч, жирийн иргэдийг хохироож, “миний ард Монгол Улсын Ерөнхийлөгч, Ерөнхий сайд асан Оюун-Эрдэнэ” байгаа хэмээн “томорч, авлига албан тушаалын гэмт хэрэг үйлдэж явдаг байж болзошгүй” байдлыг хууль хүчний байгууллага шалгах цаг болсон баймаар.
Ямартай ч төрийн өндөр албан тушаалтны нэрийг барьж, бусдад нөлөөлнө гэдэгн бол гэмт хэргийн шинжтэй үйлдэл мөн. Мөн бүхэл бүтэн 70 өрхийн бүтэн 300 гаруй иргэдийг хохироож буйгаа яман чинээ бодохгүй яваа ТЭЦ IV станцийн дарга Ү.Төмөрхуягт хариуцлага тооцох цаг болсон.
А.Галт
amlalt.mn
