ИЗНН 2024 оны УИХ-ын сонгуульд 80 орчим мянган хүний санал авч, УИХ-д жагсаалтаар 4 суудал авсан. Энэ тухайд Улс төрийн намын тухай хуулийн хүрээнд Сонгуулийн Ерөнхий хорооноос улс төрийн нам эвслийн УИХ-ын сонгуульд авсан суудлын тоо, сонгогчийн саналд үндэслэн төрөөс санхүүжилт олгодог журмын дагуу ИЗНН-д 2025 онд 455 сая төгрөг олгохыг зөвшөөрсөн тогтоол гаргасан байна.
СЕХ-ны тогтоолд заасны дагуу ИЗНН-д олгох ёстой 455.419.800 төгрөгийн санхүүжилтийг ИЗНН-аас ирүүлсэн хүсэлтийг үндэслэн 2025 оны 05 сарын 20-ны өдөр бүрэн олгосон гэдгийг СЕХ албан бичгээр мэдэгджээ.
Төрөөс олгосон энэ мөнгөн зардал бол тухайн намын үйл ажиллагаанд бүрэн зориулагдах ёстой бөгөөд намын гишүүдийг чадавхижуулах, тэдний боловсрол мэдлэгийг өргөжүүлэх, зарцуулагдах зориулалттай юм.
Гэтэл ИЗНН-ын дарга намын гишүүддээ хандан ийм мөнгө аваагүй гэж худал хэлсэн төдийгүй, аль 5 сард авсан энэ мөнгийг хэрхэн зарцуулснаа ч намынхаа журмын нөхдөд мэдэгдэлгүй тас нуусан байна. Үүнтэй холбогдуулан ИЗНН-ын Нийслэлийн намын хорооноос Б.Батбаатар даргадаа хандан энэ зардлын зарцуулалтын талаарх тайлан мэдээллээ олон нийтэд хүргэхийг шаардсан албан бичиг хүргүүлсэн аж.
А.Галт
Amlalt.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!