Монгол улсад МАН, АН-ын эрх ашиг, эсвэл аль нэг бүлэглэлийн эрх ашгаас илүүтэй Монголд түмний, ард олны эрх ашиг чухал. Сүүлийн үед Ерөнхий сайд Г.Занданшатар Монгол түмний эрх ашгийн үүднээс гадны хөрөнгө оруулалттай томоохон компанийн удирдлагуудтай уулзахдаа харилцан ашигтай хамтын ажиллагааг хэрэгжүүлэхийг сануулсан.
Товчхондоо, тэдний нүдрүү эгцэлж харж байгаад “Монгол түмний эрх ашиг тэн тэргүүнд” гэдгийг онцолж, үүний төлөө Засгийн газар ажиллах болно гэдгийг хатуухан хэлчихсэн.
Магадгүй энэ нь Ерөнхий сайдыг огцруулах асуудлын эхлэлийг тавьчихсан байх гэж бодоход хүргэж байна. Үүн дээр нь АН улс төр хийж, наана “МАН-ын дарга Н.Учрал УИХ-ын даргаар ажииллах ёсгүй” гэдэг шаардлага тавьж байгаа ч цаагуураа гадныханы, тодруулбал Рио Тинтогийн “лобби”-д орж, Ерөнхий сайд Г.Занданшатарыг огцруулахын төлөө ажиллаж эхлэв үү гэж хардахад хүргэж байна.
Өмнө нь АН-ын дарга З.Энхболд, МАН-ын дарга М.Энхболд УИХ-ын даргаар ажиллаж байхад ийм шаардлага тавьж байгаагүй АН-ынхан гэнэтхэн л ёсгүйн зарчимаа “ухаарч”, МАН-ын дарга Н.Учралыг УИХ-ын даргаар ажиллах ёсгүй гэдгээр “малгайлж”, Н.Учралыг Ерөнхий сайд болгоход “дэмжлэг болох замаар, Ерөнхий сайд Г.Занданшатарыг огцруулах акцийг хийж байна гэж хардахад хүргэж байна.
Г.Занданшатараас өөр ямар Ерөнхий сайд гадныхан “нүдрүү эгцэлж харж байгаад та нарын үйл ажиллагаа монголчууд бидэнд ашиггүй, байна, таалагдахгүй байна” гэж хэлж байсан вэ?
Сонгууль бүрийн дараах Засгийн газартай “найрсаг байдал”-аар хамтран ажиллах замаар, монгол түмэнд ашиг тус багатай ажиллаж ирсэн Рио Тинтогийн эсрэг улс эх орныхоо эрх ашгийн төлөө эрслэн дуугарсан нь түүнийг огцруулах хэмжээнд хүргэв үү гэдгийг нугацтай харах цаг болсон.
Тэгээд ч Rio Tinto шиг олон улсын корпорациуд улс орнуудын бодлогод нөлөөлөх, өөрсдийн нь эрх ашгийн эсрэг хандсан улс төрчдийг дотоодоос нь “буулгах” оролдлого хийдэг нь нууц биш. Ерөнхий сайд Рио Тинтогийн талаар хатуу байр суурь илэрхийлснээс хойш улс төрийн орчинд “түүний эсрэг хөдөлгөөн” эрчимжсэн нь тодорхой харагддаг.
Монгол түмэнд баялагтаа эзэн байхын төлөө дуугарч, ажиллаж, зүтгэж чадах Ерөнхий сайд хэрэгтэй юу, гадныханы гар хөл болоод эс дуугарах хүмүүс хэрэгтэй юу гэдгийг ард түмэн та бид бодох цаг ирлээ.
Цаашдаа бидэнд баялгийнхаа өгөөжийг нэмэгдүүлэхийн төлөө хатуу зогсдог Засгийн газар хэрэгтэй юу, эсвэл тогтвортой байдлыг нэрийн дор гадны хөрөнгө оруулагчидад дуваа байдалтай байсан ч чимээгүйхэн тохиролцдог засаг хэрэгтэй юу?
Тиймээс Ерөнхий сайд Г.Занданшатарыг огцруулах нь дан ганц түүний тухай асуудал биш Монгол Улс байгалийн баялгаасаа хэрхэн өгөөжтэй хувь хүртэх вэ гэдэг иргэд олон нийтийн бодлогын илэрхийлэл юм.
Ц.Мөнх
Amlalt.mn
