Гадаад харилцааны дэд сайд Г.Амартүвшин Япон Улсын Парламентын Төлөөлөгчдийн танхим дахь Япон, Монголын парламентын найрамдлын бүлгийн гишүүдийг дөрөвдүгээр сарын 30-нд хүлээн авч уулзав.
Дэд сайд Г.Амартүвшин ардчиллын нийтлэг үнэт зүйлс бүхий хоёр улсын Тусгай стратегийн түншлэлийг гүнзгийрүүлж, харилцан айлчлал, солилцоог өргөжүүлэхийн төлөө буйгаа тэмдэглэв.
Японы талаас Монгол Улс, Япон Улсын итгэмжит харилцааг бэхжүүлж, эдийн засгийн хамтын ажиллагааг урагшлуулах, ард иргэдийн найрамдал, нөхөрлөлийг батжуулан хөгжүүлэх эрмэлзэл илэрхийлэв.
Уулзалтаар Монгол Улс, Япон Улсын хооронд дипломат харилцаа тогтоосны 55 жилийн тэмдэглэлт ой тохиож буй 2027 онд дотно түншлэл, найрамдал нөхөрлөлийг улам бүр гүнзгийрүүлэн ажиллахад санал нэгдэв.
Эх сурвалж: Montsame.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!