НҮБ-ын Монгол дахь Суурин төлөөлөгч Яап ван Хиердэн, гэргий Маяадеви ван Хиердэн-Сьюнат нар тавдугаар сарын 4-нд Говь-Алтай аймагт ажиллав.
Тэд НҮБ-аас тус аймагт хэрэгжүүлж буй хамтын ажиллагаатай танилцах, цаашдын хамтын ажиллагааг бэхжүүлэх зорилгоор айлчилжээ.
Уулзалтын үеэр аймгийн Засаг даргын орлогч М.Алтангэрэл аймгийн хөгжлийн хөтөлбөрүүд, тэр дундаа хүний хөгжлийн чиглэлээр хэрэгжүүлж буй арга хэмжээнүүдийг танилцууллаа. Мөн НҮБ-ын олон талт хамтын ажиллагаа, ялангуяа НҮБ-ын Хүүхдийн сангийн хөрөнгө оруулалт Алтай нутгийн хүүхэд багачуудын хөгжилд чухал дэмжлэг болж байгааг онцлов.
Түүнчлэн цаашид олон талт хамтын ажиллагааг өргөжүүлэн, үр дүнтэй хамтран ажиллах хүсэлтэй байгаагаа илэрхийллээ.
Ингэхдээ аймгийнхаа хүүхдүүдийн эрүүл мэнд, боловсрол, оролцоо, хамгааллын асуудлаар ярилцан, ажлын үр дүн, санаачилгуудаа танилцуулж, санал бодлоо хуваалцлаа. Тухайлбал, "Нэг сум-нэг сандал" шүдний кабинет байгуулах төсөл, англи хэлний багш нарын хөтөлбөр, “Хүүхэд бүрд сүү" хөтөлбөрийг эхлүүлэх суурь судалгаа, сумдын хүүхэд, иргэдэд хүрч ажиллах туулах чадвартай авто машин нийлүүлэх зэрэг ажилд хамтран ажиллана гэв.
Эх сурвалж: Montsame.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!