Малын гаралтай түүхий эдийг боловсруулах үйлдвэрлэлийг дэмжих зарим арга хэмжээний тухай УИХ-ын 63 дугаар тогтоолыг үндэслэн “Үндэсний үйлдвэрлэлийг дэмжих зарим арга хэмжээний тухай” Монгол Улсын Засгийн Газрын 78 дугаар тогтоол батлагдан хэрэгжиж байна.

Тогтоолын хүрээнд:
1. 1.Монгол Улс, Евроазийн эдийн засгийн холбоо, түүний гишүүн орнуудын хооронд байгуулсан Худалдааны түр хэлэлцээрийн хүрээнд лабораторийн итгэмжлэл, бүтээгдэхүүний чанарын баталгаажуулалтын бэлэн байдлыг хангах, үр дүнг талууд харилцан хүлээн зөвшөөрөх нөхцөлийг бүрдүүлэх
2. Евроазийн зах зээлд нэвтрэх маркетингийн болон үйлдвэрлэлийн цогц төлөвлөгөө гарган экспортын чадавхийг сайжруулах
3. “Цагаан алт” хөдөлгөөний хүрээнд олгосон ноолуурын ээрэх үйлдвэрлэлийн хөрөнгө оруулалтын зээлийн хэрэгжилт, үр дүнг тооцсоны үндсэн дээр хувийн хэвшлийн ноолуурын ээрэх үйлдвэр байгуулах хөнгөлөлттэй зээлийн санхүүжилтийн эх үүсвэрийг олон улсын байгууллага болон дотоодын санхүүгийн байгууллагаар шийдвэрлүүлэх
4. “Цагаан алт” хөдөлгөөний хүрээнд олгосон боловсруулах үйлдвэрлэл, экспортыг дэмжсэн эргэлтийн хөрөнгийн болон ноолуурын сүлжих, нэхэх, гүйцэтгэн боловсруулах үйлдвэрлэлийн хөрөнгө оруулалтын зээлийн хэрэгжилт, үр дүнг тооцсоны үндсэн дээр ноолууран бүтээгдэхүүнийг экспортод гаргаж байгаа хувийн хэвшилд экспортын урамшуулал олгох талаар холбогдох эрх зүйн орчин бүрдүүлэх
5. Нийслэл Улаанбаатар хотод зорилтот зах зээлд тохиромжтой байршилд ноолууран бүтээгдэхүүн худалдаалах нэгдсэн цэг байгуулах талаар үндэсний үйлдвэрүүдтэй хамтран ажиллах
6. Экспортын бүтээгдэхүүнийг гадаад зах зээлд гаргах боломжийг дэмжих, гадаад харилцааг эдийн засгийн бодит ашиг авчрахад чиглүүлэх, үйлдвэрлэл эрхлэгчдийг олон улсын нэр хүндтэй үзэсгэлэн, яармаг, загварын шоу, арга хэмжээнд оролцоход дэмжлэг үзүүлж хамтран ажиллах
7. Хаврын ноолуур бэлтгэлийн ажилд зориулж үндэсний үйлдвэрүүдийн хөгжлийг дэмжих, нэмэлт санхүүжилт гаргах чиглэлээр хөнгөлөлттэй зээл олгох асуудлыг судалж, бодитой хэрэгжүүлэх
8. Малчдын орлогыг нэмэгдүүлэх, үндэсний үйлдвэрүүдийн түүхий эд бэлтгэлийг эрчимжүүлэх зорилгоор “Ноолуурын дуудлага худалдаа”-г Сүхбаатар аймагт өргөн хүрээнд зохион байгуулж, бүх талын оролцоог хангаж, дэмжиж ажиллах юм.

Amlalt.mn