УИХ дахь Ардчилсан намын бүлэг өчигдөр хуралдаж, нүүрсний хулгайн асуудлыг хэлэлцэн, мэдээлэл хийлээ.
УИХ дахь АН-ын бүлгийн дарга О.Цогтгэрэл: “Эрдэнэс Тавантолгой дээр дахиад нууц гэрээ байхыг үгүйсгэхгүй. Ард иргэд төрд итгэхгүй байна, эмх замбараагүй нөхцөл байдал үүслээ. Оффтейк гэрээний асуудал өнөөдөр гэнэт гарч ирээгүй. 2011 онд Сү.Батболд Ерөнхий сайдын үед анхны оффтейк гэрээ хийгдсэн байдаг. Эрдэнэс Тавантолгой, Оюутолгой, Эрдэнэт компани дээр оффтейк гэрээ хийгдэж, Чалкогоос зээл авч, тэрбум долларын гэрээ 2011 онд хийсэн түүхтэй. Ил болгосон есөн гэрээний долоо нь 2022 онд хийсэн гэрээ байна.
Жагсаалд хүний эрх зөрчигдөж байна. Соёлын төв өргөөг нээж, ядаж 00 оруулдаг байх хэрэгтэй. Сүхбаатарын талбайд сүлжээ унагаж байгаа нь хүний мэдэх эрхэд халдаж байна.
Цаашид ЭТТ ХК-ийн борлуулалтын гэрээ, Эрдэнэт дээр байгаа нууц гэрээ, бусад төрийн компаниуд дээр байгаа нууц гэрээнүүдийг ил болгох шаардлагатай” гэлээ..
