Хоёр жилийн өмнө буюу 2021 оны 02 сарын 08-ны өдөр БШУ-ны сайд Л.Энх-Амгалан Нийслэлийн боловсролын салбарын хөрөнгө оруулалт, төсөл арга хэмжээ, боловсролын үйлчилгээг хүртээмжтэй хүргэх асуудлаар, Нийслэлийн Засаг дарга бөгөөд Улаанбаатар хотын захирагч Д.Сумъяабазар, нийслэлийн удирдлагын багийнхантай уулзаж харилцан санал солилцсон байдаг.
Энэ үеэр БШУ-ны сайд Л.Энх-Амгалан хэлэхдээ “Нийслэлд 20943 багш, ажилтнууд бий. Иймд орлогод нийцсэн орон сууцанд хамруулах асуудлыг нийслэлийн удирдлагуудтай хамтраад шийдвэрлэх шаардлага байгаа юм. Боловсролын салбарт гар татаж болохооргүй цаг үе ирсэн” гэж хэлж байв.
Хариуд нь Нийслэлийн Засаг дарга бөгөөд Улаанбаатар хотын захирагч Д.Сумъяабазар “Нийслэлийн хэмжээнд түрээслээд өмчлөх хэлбэрээр орон сууцжуулах зургаан байршилд барилгын ажлыг эхлүүлнэ. Тэгэхээр аль нэг байршилд нь боловсролын салбарынханд зориулсан хотхон бий болгож, орон сууцжуулах бүрэн боломжтой” гэж хэлсэн.
Хоёр жил өнгөрлөө, багш нарын орон сууцны хотхоны шав тавигдсан уу, ядаж???
Тус уулзалтын төгсгөлд Боловсрол, шинжлэх ухааны сайд Л.Энх-Амгалан “Сургууль, цэцэрлэгийн багш, ажилтнуудыг орон сууцжуулах ажлын хүрээнд ажлын хэсэн байгуулан ярилцаж, шийдвэрлэе” гэсэн.
Түүний хэлсэн энэ үгнээс хойш хоёр жил өнгөрчээ. Дунд сургуулийн багш нарыг хамруулан орон сууцны хотхон барих ажил ямар хэмжээнд байна вэ?” гэдгийг БШУ-ны сайд Л.Энх-Амгалан болон Хотын дарга Д.Сумъяабазар нараас ам асуух цаг болжээ.
Амлалт.мн
