2021 онд улсын хэмжээнд жолоочийн буруутай үйлдлээс 21992 осол, зам замын байгууламжийн буруугаас 48, явган зорчигчийн буруугаас 442 осол бүртгэгдсэн бөгөөд ослын дийлэнх нь цаг агаарын таатай, үзэгдэх орчин чөлөөтэй, тэгш замд гарсан байгаа юм. Тиймээс замын хөдөлгөөнд оролцож буй жолооч ,зорчигч, явган зорчигч нар өөрсдийн аюулгүй байдлаа хангаж, анхаарал болгоомжтой хөдөлгөөнд оролцохыг анхааруулж уг аяныг зохион байгуулж байгаа юм. Монгол улсын Засгийн газрын 2019 оны 163 дугаар тогтоолоор Замын хөдөлгөөний аюулгүй байдлыг хангах үндэсний хөтөлбөрийг баталж, зам тээврийн ослын улмаас амь нас, эрүүл мэнд хохирох тохиолдлыг 50 хувиар бууруулах зорилт дэвшүүлсэн. Үүнтэй уялдуулан Цагдаагийн байгууллагаас зам тээврийн осол, хэргийн улмаас учрах хохирлыг бууруулах, урьдчилан сэргийлэх зорилгоор олон улс, улсын чанартай хатуу хучилттай зам дагуух байнгын хяналтын цэгүүдийг түшиглэн камерын хяналтын систем нэвтрүүлэх, төрийн болон төрийн бус байгууллагатай хамтран нөлөөллийн аян, нэгдсэн болон хэсэгчилсэн ажлуудыг төлөвлөн хэрэгжүүлсээр ирсэн юм. Өнгөрсөн хоёр жилийн хугацаанд “Яараад яаха вэ!”, “Дураараа бишээ дүрмээрээ” зэрэг аяныг зохион байгуулснаар 2019 оны эхний есөн сарын байдлаар зам тээврийн ослын тоо 16.9 хувиар, 2020 оны эхний есөн сарын байдлаар 12.7 хувиар, 2021 оны эхний 9 сарын байдлаар 13.2-аар тус тус буурсан юм.
Орхон аймгийн иргэдийн Төлөөлөгчдийн Хурлын дарга Д.Мөнхбат:
Мэдээлэл технологийн эрин зуунд хөл нийлүүлэн алхаж буй мэдлэгтэй, мэдээлэлтэй, үнэт зүйлтэй, хөгжих тэмүүлэлтэй ЭРДЭНЭТ хотын иргэн таньд энэ өдрийн мэндийг хүргэе!
Орхон аймгийн эдийн засаг, нийгмийн асуудлыг бие даан зохион байгуулах ардчилсан, шударга ёс, эрх чөлөө, тэгш байдлийн илэрхийлэл болсон аймгийн иргэдийн Төлөөлөгчдийн хурал, түүний веб сайтаар зочилж өөрт хэрэгтэй мэдээ, мэдээллээ цаг алдалгүй авна гэдэгт бид итгэлтэй байна. Иргэд та бүгдийг төрд төлөөлөх Төлөөлөгчдийн үйл ажиллагаа, орон нутагт хэрэгжих төсөл хөтөлбөр, бүтээн байгуулалтанд иргэн таны үзэл бодол, санал шүүмжлэл үнэтэй хувь нэмэр оруулна гэдэгт итгэлтэй байна.
Улс орны хөгжлийн түүчээ, сайн засаглалын загвар ЭРДЭНЭТ хотын түүхэн замналыг амжилт, ололтоор үргэлжлүүлэх, ирэх он жилүүдийн өнгийг тодорхойлох үйлсэд миний бие хүчин зүтгэж, иргэд та бүхэнтэйгээ хамтдаа хөгжицгөөе! ЭРДЭНЭТ хүний төлөө хүчээ нэгтгэе!
