Үнийн өсөлт, татварын дарамтад сөхөрсөн иргэд, УИХ-ын даргын “Хэмнэе” гэх мэдэгдлийг эсэргүүцэж, 2022 оны дөрөвдүгээр сарын 7-нд Сүхбаатарын талбайд “Ажлаа хий” уриатай жагсаалыг зохион байгуулсан.
Ингэхдээ 15 зүйл бүхий шаардлагыг Засгийн газарт хүргүүлсэн юм.
Тухайлбал,
1. Авлига, албан тушаалын хуулийн 22.1 дүгээр заалтыг шинэчлэх,
2. Үйлдвэрлэлийг дэмжих, зээлийн бодлогыг иргэдэд тэгш хүртээмжтэй хуваарилах,
3. Бизнес эрхлэгчдийг дэмжих,
4.Хөгжлийн банкны асуудлыг шийдэх,
5. Олон улсын төлбөр тооцооны системийг нэвтрүүлэх,
6. Дарга нарын хангамжийг зогсоох,
7. Үнийн өсөлтөд арга хэмжээ авах
8. НӨАТ-ын буцаан олголтыг 10 хувь болгох
9. Мөнгөний бодлогоо зөв хэрэгжүүлэх,
10. Цэцэрлэг, сургуулийн тоог нэмэгдүүлэх
11. Ажлын байрыг нэмэгдүүлэх
12. Иргэдээ эрүүл, аюулгүй орчинд амьдрах нөхцөл боломжоор хангах
13. Гэрэл цахилгаан, ус, дулаантай амьдармаар байна,
14. Татвар, нийгмийн даатгалын системээ эргэн хар
15. Хэлдэг биш хийдэг, амладаг бус ажилладаг төртэй баймаар байна
Жагсаалын хоёр дахь өдөр Ерөнхий сайд Л.Оюун-Эрдэнэ залуустай уулзаж, шаардлагыг нь хүлээн авсан юм. Улмаар Засгийн газрын ээлжит бус хуралдаан зарлан, хэлэлцүүлж, олон нийтэд дараах зүйлсийг амлаж байжээ.
1. Залуучуудын зүгээс тавьж буй шаардлагыг бүгдийг хүлээн авч байна. Хамгийн богино хугацаанд бид арга хэмжээ авна.
2. Авлига, хээл хахуулийн хэрэгт ялын бодлогыг чангатгана.
3. Хөгжлийн банкны асуудлыг Засгийн газар өөрөө гаргаж тавьсан. Бид ордон дотор хийж чадах бүх зүйлээ хийж байгаа. Өмнө нь ямар албан тушаал эрхэлж байснаас үл шалтгаалж бүх хүн хуулийн дагуу эрх тэгш, ялаа авдаг байх ёстой.
4. Өнгөрсөн 30 жилийн хугацааны авлигын гинжийг хамтдаа тасалъя.
5. УИХ-ын гишүүдийн хөрөнгө орлогын мэдүүлгийг АТГ шалгадаг болгох хуулийн заалтыг Засгийн газрын хуралдаанаар хэлэлцэх, Эрүүгийн хуульд нэмэлт өөрчлөлт оруулах тухай хуулийн бүрэлдэхүүнд оруулж өгнө.
6. Засгийн газар мах, гурил, эм эмнэлгийн хэрэгслийг таслахгүй байхын төлөө чадах бүх зүйлээ хийнэ гэж амлаж байна.
7. Дотоод итгэл үнэмшлийнхээ хувьд ард түмэнтэйгээ хамт байна. Өөрөөс шалтгаалах бүх зүйлээ хийнэ. Биднээс шалтгаалахгүй зүйл бас бий. Хамтдаа асуудлаа шийдэхийн төлөө хичээнэ.
8. УИХ-ын гишүүдийн халдашгүй бүрэн эрх, авлигын эсрэг тууштай тэмцээч ээ гэсэн шаардлага тавьсан. Үүний төлөө бүхнээ зориулна.
9. Жагсаал цуглааны үеэр хүний эрх зөрчихийг хэрхэвч зөвшөөрөхгүй. Хүч хэрэглэхийг дэмжихгүй.
10. Би авлигын эсрэг ард түмэнтэйгээ хамт байна гэдгээ амлаж байна. Ордон дотор хүч мөхөсдвөл талбай дээр гараад бодитой асуудлуудыг ярих болно.
Тэгвэл Ерөнхий сайдын амлалтууд өнөөдөр хэрхэн “хөрсөн дээр бууж”, бодит ажил хэрэг болон хэрэгжсэн бол...
