Өнгөрсөн есдүгээр сарын 28-ний өдөр Засгийн газрын хуралдаанаас гаргасан шийдвэрийн талаар холбогдох сайдууд мэдээлэл хийсэн.
Энэ үеэр Түгжрэлийг бууруулах Үндэсний хорооны дарга Ж.Сүхбаатар“ Түгжрэлийн ид үе байгаа учир иргэд их бухимдалтай байна. Тиймээс үндэсний хороо ажлын ерөнхий зураглалаа гаргасан. Түгжрэл бууруулах гол бодлого бол нийтийн тээврийг дэмжих, сонголттой болгох юм.
С.Баярын Засгийн газрын үед нийт 400 гаруй автобусны парк шинэчлэл хийгдэж байсан. Гэтэл он гарахад 576 автобус ашиглалтаас гарна гэсэн хүндрэл үүсч байгаа.
Тэгэхээр үндэсний хорооноос хувийн унаагаар зорчиж байгаа нийт нэг сая 800 мянган хүнийг нэг сая 500 мянга болгоё.
Автобусаар зорчиж байгаа 685 мянган иргэнийг нэг сая зорчигч болгоё. Явган зорчиж байгаа хүмүүсийг 64 хувиар нэмэгдүүлье гэсэн бодлогын менежментийг хийх гэж байгаа" гэсэн юм.
