Л.Баярмандал Г.Ёндонгоос авахдаа Х.Бадамсүрэнг байлцуулах хэрэгтэй
Энэ мэдээ хуучирсан буюу 2023/09/18-нд нийтлэгдсэн мэдээ болно.
Огноо
Унших
4 минут 13 секунд
Л.Баярмандал Г.Ёндонгоос авахдаа Х.Бадамсүрэнг байлцуулах хэрэгтэй
Нийтлэсэн огноо:

Л.Баярмандал Г.Ёндонгоос авахдаа Х.Бадамсүрэнг байлцуулах хэрэгтэй

Эрдэнэт үйлдвэрийнхэн ажил хаяад буцаад ажилдаа оров бололтой. Цалинг нь нэмээд ажилд нь орууллаа гэж мэдээлэх шиг боллоо. Эрдэнэтийн уурхайчид, их цалинд дуртай байх, гэхдээ ажилдаа илүү дуртай, нэг хоногт үйлдвэр зогсоход, нэг минут зогсоход ямар их алдагдал гардгийг мэдэж, амьдралын дүрмээ болгож ажилладаг уурхайчид л даа.

Тэгэхээр ажил хаяад байгаа нь цалин пүнлүү, залгамжлан ажиллуулах бодлого гэгдэж байгаагаас их өөр зүйл байх магадтай. Эрдэнэт үйлдвэрт Ил уурхайгаас хүдэр тээх туузан дамнуургын төсөл хэрэгжүүлнэ гээд Х.Бадамсүрэн гэдэг захирал нь улс орон даяар яриад тэр нь одоо болтол бүтээгүй байгаа. Ухаж хонхойлсон уулын ёроолоос белазаар бус, дамнуургаар хүдэр татах өртөг зардлын хувьд ямархан хэмнэлтэйг тооцоолж ядах зүйлгүй.

Ажил хаягсад белазчид байгаа нь анхаарал татаж байгаа юм. Улсын баатар болоод явсан, жаран жил ажиллах бололцоотой гэж тунхагласан Х. Бадамсүрэнгээс Гэлэнгийн Ёндон гэдэг хүн ажил авсан. Г. Ёндон нэг л тийм урагшгүй гэмээр ажилласаар эдүгээ ажлаа өгч магадгүй байдалд орж байх шиг байна. Гэлэнгийн Ёндон очоод, сайд байхдаа авдаг байсан мэдээллээс шал өөр, их өөр үйлдвэр намайг угтаж байна гэж ихээхэн муршигнаж, туниж бухимдсан өнгө аяс үзүүлсэн, үзүүлсээр байгаа гэдэг. Тэр бол өмнөх удирдлагаас үүдсэн тус үйлдвэрт бугшсан асуудал байгааг илэрхийлж байгаа хэрэг.

Тамгын газрын дарга Д. Үүрийнтуяа гэж эмэгтэй байдаг. Тэр хүн улс төрд орно, үйлдвэрт ажиллаж ханав гэх байдлаар байгаа, ажлаа өгсөн ч яахав гэхийг нь Г. Ёндон авч хэлэлцэхгүй ажиллуулаад байгаа шиг байдаг. Тэр нь ажилласан он цагтаа үүсгэсэн асуудлуудынхаа учир начрыг олж, намаг шалбаагийг хатаагаад яваарай гэсэн агуулга, сануулгатай гэж Эрдэнэт үйлдвэрийг мэдэх, гадарлах хүмүүсийн яриа их.

Одоо Эрдэнэт үйлдвэрийн даргаар Ашиг малтмал, газрын тосны дарга Л.Баярмандал гэж хүн очихоор болж байгаа тухай мэдээлэгдэж эхэллээ. Г. Ёндон ер нь л энэ үйлдвэрийн байдал өөрт нь цөвтэй байна гэдэг байдлаар нийгэмд ойлгогдуулж байсанаараа дөлөн одохоор ч болсон байж мэдэх. Хэрэв тэгвэл Л. Баярмандал гэж хүн оронд нь очих нь шиг байна. Төлөөлөн удирдах зөвлөлгүй Эрдэнэт үйлдвэрийн даргаар очих гэж байгаа Л. Баярмандал хэрэв Эрдэнэтийн тамгыг авах гэж байгаа бол Г. Ёндонгоос гардаж, Д. Үүрийнтуяа тэмдэглэл хөтлөх болов уу. Тэр үед Л. Баярмандал Г. Ёндонгоос авахдаа Х.Бадамсүрэнг байлцуулах хэрэгтэй.

Л. Баярмандал нь Г. Ёндонгоосоо яагаад ажилчид ажил хаяв, ямар учир байна, үйлдвэр хэр байна, өлзий хэр байна, Х.Бадамсүрэн захиралын балаг гэж байна уу, яав ийв хө, илэн далангүй яриач гээд асуух хэрэгтэй. Тэгээд шинэ хуучин гурван захирал энэ үйлдвэрийн асуудлыг ярих хэрэгтэй. Яагаад уурхайчид ажил хаяваа гэдгээс эхлээд л. Эрдэнэт үйлдвэр эх орны хувь заяанд их үүрэгтэй, их төлөөстэй.

Энэ үйлдвэрийг цааш авч явах хүн хамгийн наад зах нь компанийн засаглалыг төгс төгөлдөр хэрэгжүүлэх үүрэгтэй. Энэ нь ТУЗ-тэй болохоос эхлэх ёсой байх.

Б.БАЯР

Т.Бадамжунайгийн хэргийг Даваа гарагт шүүхэд шилжүүлнэ
Т.Бадамжунайгийн хэргийг Даваа гарагт шүүхэд шилжүүлнэ
 
АШУҮИС малчин өрхийн хүүхдүүдэд гуравдугаар сарын 17 хүртэл чөлөө олгохоор болжээ
АШУҮИС малчин өрхийн хүүхдүүдэд гуравдугаар сарын 17 хүртэл чөлөө олгохоор болжээ
Энэ мэдээ хуучирсан буюу 2023/09/18-нд нийтлэгдсэн мэдээ болно.