УИХ дахь МАН-ын бүлгийн хуралдаанаар нийслэлийн нийтийн тээврийн шинэчлэл, худалдан авалтанд үүсээд байгаа нөхцөл байдлын талаар мэдээлэл сонслоо. Хурлаас гарсан шийдвэрийн талаар бүлгийн дарга Д.Тогтохсүрэн " Газар олголт, хот төлөвлөлт, түгжрэл зэрэг нийслэлд ужгирсан асуудлуудыг судалж, санал боловсруулах үүрэг бүхий УИХ, Засгийн газрын хамтарсан ажлын байгуулахаар боллоо. Хоёрт, Ерөнхий сайд газар олголт, хот төлөвлөлтийн зөрчлүүдийн эргэн тойрон дахь авлигын асуудал дээр улс төрийн дэмжлэг үзүүлэхийг хүссэн. Бүлгийн гишүүд 100 хувийн саналаар дэмжсэн. Автобус худалдан авалттай холбоотойгоор АТГ, Эрүүгийн цагдаагийн газартай хамтарсан ажлын хэсэг мөрдөн байцаалтын ажиллагаа явуулж байгаа. Энэ долоо хоногт Засгийн газрын хуралдаанд танилцуулсны дараа Ерөнхий сайд холбогдох хүмүүст хариуцлага тооцох асуудлыг ярина.
Түгжрэлийг бууруулах үндэсний хорооны дарга Ж.Сүхбаатар сайд өргөдлөө өгсөн. Нэгэнт алдаа гаргасан болохоор өргөдлөө өгөх нь зүйтэй гэж бүлгийн хурлаас үзсэн" гэлээ.
